Со сите нови прописи кои доаѓаат за 2017 година, тимовите се желни да извршат пробни возења на своите болиди под закрила на дозволените филмски денови за медиумска промоција, за да ги испеглаат сите проблеми кои би се јавиле пред почетокот на официјалните пред-сезонски тест сесии во Барселона, Шпанија.
Мерцедес исто така, на својот официјален веб сајт, објави нова наградна игра за своите фанови, а се што треба да направите е да се регистрирате со својот ФБ профил и да очекувате да бидете извлечени за да присуствувате на презентацијата на нивниот 2017 болид.
Иако од Мерцедес АМГ ги финализираа плановите за презентација на 2017 болидот, возачката постава допрва треба да биде официјализирана.
Сите шпекулации одат во насока дека Валтери Ботас ќе биде замената за Нико Розберг, кој неочекувано се повлече од Фпрмула 1 Шампионатот по освојувањето на Шампионската Титула за 2016 година.
