2017 БРИТАНСКО ГП: МЕРЦЕДЕС АМГ БЕЗ КОНКУРЕНЦИЈА

Импресивен старт на Мерцедес АМГ кои со Валтери Ботас го забележуваа најбрзото време на попладневниот тренинг. Луис Хамилтон, неговиот тимски колега, повторно за некоја стотинка побавен, но неговото време беше поставено на меките гуми на Пирели, додека при неговиот брз круг на супер-меката смеша, направи грешка во последниот сектор. Следуваат возачите на Ферари, Кими Раиконен пред Себастијан Ветел, но со половина секунда заостанување.

Како што стојат работите по денешните тренинг сесии Мерцедес АМГ е дефинитвно најбрзиот тим на Силверстоун, а Пол позицијата и Победата се 95% во рацете на Луис Хамилтон.

На секоја трка каде ја немаме ултра-меката смеша, Ферари не може да се доближи доволно до Сребрените стрели, не дека многу заостануваат, но тие 2-3 десетинки ја прават разликата, која во некои времиња се толкуваше како огромен дефицит.

Не помага и фактот што Ферарито е нестабилно низ свиоците и имавме релативно многу извртувања на двајцата нивни возачи.

Макс Ферстапен и Даниел Рикиардо, двоецот на Ред Бул, паднаа на петтата и шестата позиција на табелата. Спротивно на нив, Нико Хулкенберг напредуваше и го забележа седмото најбрзо време со болидот на Рено.

Фелипе Маса со Вилијамс беше осми, додека Фернандо Алонсо, кој има казна од пет стартни места поназад, повторно ги подгреа недежите за Мекларен со деветтото најбрзо време, пред Естебан Окон со Форс Индија.

Гледавме неинтересни петочни сесии, одржани на облачно и ветровито време. Тркачкиот викенд продолжува утре со саботниот тренинг во 11:00, а Квалификации се закажани за 14:00 часот по македонско време.

2017 БРИТАНСКО ГП - ВТОР СЛОБОДЕН ТРЕНИНГ

 П.    ВОЗАЧ           ТИМ         ВРЕМЕ   РАЗЛИКА КРУГА
 1. Валтери Ботас    Мерцедес АМГ 1:28.496          30
 2. Луис Хамилтон    Мерцедес АМГ 1:28.543 + 0.047  34
 3. Кими Раиконен    Ферари       1:28.828 + 0.332  35
 4. Себастијан Ветел Ферари       1:28.956 + 0.460  35
 5. Макс Ферстапен   Ред Бул      1:29.098 + 0.602  30
 6. Даниел Рикиардо  Ред Бул      1:29.586 + 1.090  33
 7. Нико Хулкенберг  Рено         1:29.936 + 1.440  35
 8. Фелипе Маса      Вилијамс     1:30.006 + 1.510  34
 9. Фернандо Алонсо  Мекларен     1:30.238 + 1.742  27
10. Естебан Окон     Форс Индија  1:30.383 + 1.887  41
11. Карлос Саинц ЈР. Торо Росо    1:30.555 + 2.059  24
12. Данил Квјат      Торо Росо    1:30.562 + 2.066  33
13. Серџо Перез      Форс Индија  1:30.624 + 2.128  42
14. Роман Грожан     Хас          1:30.661 + 2.165  31
15. Ленс Строл       Вилијамс     1:30.695 + 2.199  36
16. Штофел Вандорн   Мекларен     1:30.782 + 2.286  30
17. Кевин Магнусен   Хас          1:30.835 + 2.339  32
18. Џолион Палмер    Рено         1:30.879 + 2.383  25
19. Маркус Ериксон   Заубер       1:31.616 + 3.120  26
20. Паскал Верлајн   Заубер       1:31.929 + 3.433  29

2014 Нико Розберг - Мерцедес АМГ - 1:35.424
2015 Нико Розберг - Мерцедес АМГ - 1:34.274
2016 Луис Хамилтон - Мерцедес АМГ - 1:31.654
2017 Валтери Ботас - Мерцедес АМГ - 1:28.496

Маса VS Ферстапен (Маса е под истрага)