Од Ферари се надеваат на Раиконен и Ветел, за следната сезона. Раиконен е воздржан за својата иднина, но рече дека му кажал на тимот кои се неговите желби.
"Не сум многу среќен каде завршивме, имајќи ги предвид сите трки досега, но тоа е она што го имаме и не можеме да го промениме. Дали е тоа доволно за она што ќе се случува во иднина? Не знам, ќе видиме во одреден момент. Тимот знае што сакам. На крајот, на нив е да изберат што е најдобро за нив."
"Мојата единствена цел е да победувам, тоа е единствената причина што сум тука, а не нешто друго. Не сум во овој спорт само за да бидам дел од него, тоа е комплетно друга приказна. Не е секогаш забавно, кога работите не одат во посакуваната насока, но тоа е што е, зависиме од многу работи. Брзината ја имаме, но тоа не е доволно, ако останатите работи не одат како што се надевате."
