Според Кери, сегашните ПЕ создаваат голем диспаритет помеѓу производителите, и иако го пофали Мерцедес за исклучителниот развој, верува дека тоа е лошо за овој спорт.
"Им симнувам капа на Мерцедес, производител кој беспрекорно владее со она што го имаме сега", изјави Кери за АутоБилд. "Но, разликата во перформансите е премногу голема. Затоа сакаме да ги поедноставиме работите со мотото: погласно, поевтино, подобро."
"Имаме тимови кои трошат 500 милиони долари годишно, додека други со големи напори собираат буџет од само 100 милиони долари. Тоа ја попречува и искривува конкуренцијата. Целта мора да биде тимовите да можат да заработуваат со овој спорт. Денес, нити еден тим не остварува профит."
"Не ме сфаќајте погрешно, не сакаме да ја забавиме технологијата. Формула 1 ќе остане лабораторија за производителите, но, во исто време и спорт."
