Во првата фаза од обновата ќе бидат реконструирани главните трибини и јавните површини, со план да се создаде модерна во облик на стадион секција околу финалниот свиок и по должината на стартно-целната рамнина. Со работа ќе се започне кон крајот на 2018 година. Втората фаза ќе опфаќа изградба на нови простории за контрола на трката и реконструкција на боксевите во 2020 година.
"Сега имаме план", изјави за Аутоспорт претседателот и извршен директор на Хунгароринг, Золт Џулај. "Владата одлучи, а министерот рече дека работата е 100% сигурна. Сакавме да започнеме со работа од јануари, но што е тука е."
"На крајот од август ќе започнеме со изработка на архитектонски дизајни, за да можеме да започнеме со обнова на крајот од 2018 до 2019 година. Првиот чекор е надворешноста, трибините, за потоа да преминеме на боксевите и останатата внатрешна инфраструктура, во 2020 година."
"Сè ќе биде ново. Ќе имаме повеќе места, како модерен стадион. Мислам дека г-дин Кери е апсолутен џентлмен. Имаме долг договор и мислам дека е полесно да се работи со нив. Се разбира, мора да му се заблагодариме на Берни што го овозможи сето ова, но, со новите сопственици можеме да работиме полесно."
