"За жал, всушност гледавме две трки. Во отсуство на возачите на Ред Бул на патеката имаше борба меѓу два тима, Ферари и Мерцедес АМГ, а зад нив имаше трка во која учествуваа сите останати. Само шест возачи ги комплетираа сите 57 предвидени круга, а разликата помеѓу Луис Хамилтон и четвртото место на Пјер Гасли беше огромна."
"Сепак, разликата во перформансите на Ф1 тимовите не е изненадување, ако се потсетиме дека минатата сезона, од вкупно 60 места на подиумот во текот на целата сезона, само еден возач кој не е дел од Ферари, Мерцедес АМГ или Ред Бул се најде на подиумот. Тоа беше Ленс Строл со 3-тото место на трката во Баку за тимот на Вилијамс."
"Резултатите од неделната трка во Бахреин беа уште една потврда за потребата да се направи нешто. На Формула 1 тимовите и ФИА, во петокот во Бахреин, им ја презентиравме нашата визија за иднината на овој врвен мотоспорт. (ПОВЕЌЕ СО КЛИК ТУКА.)"
"Заедно со ФИА, сакаме да работиме во оваа насока, со цел Формула 1 да биде поспектакуларен и интересен спорт. Што е најважно, неопходно е да го направиме тоа заради нашето најголемо богатство, за доброто на фановите."
