МЕРЦЕДЕС АМГ НА ПРВИОТ, ФЕРАРИ НА ВТОРИОТ СТАРТЕН РЕД

Дежа ву од минатата трка. Но, сега во тимот на Мерцедес АМГ најбрз беше Валтери Ботас, кој за само 0.019 делови од секундата го победи Луис Хамилтон за прв стартен ред на Големата Награда на Австрија.

Со околу 0.3 делови од секундата заостанување од третата позиција ќе тргне Себастијан Ветел од Ферари. До него на вториот стартен ред се пласираше Кими Раиконен, пред Макс Ферстапен и Роман Грожан на третиот стартен ред.

Даниел Рикиардо имаше брзина само за седмата стартна позиција, пред Кевин Магнусен, Карлос Саинц ЈР. и Нико Хулкенберг.

Едно е сигурно, а тоа е дека утре не очекува интересен старт, а возачите на Ферари од вториот ред се одлучија за помеката смеша на Пирели, ултра-меката, за разлика од сребрените стрели кои ќе ја започнат трката на потврдата супер-мека смеша.

Роман Грожан со одлично шесто време и сите, но и тој самиот, се прашуваме дали неговата лоша среќа ќе го има својот крај.

Трката за ГН на Австрија започнува од 15:10 часот по македонско време, а околу половина час пред тоа и емисијата посветена на Ф1 на ТВ 24Вести.

2018 АВСТРИЈА ГП - КВАЛИФИКАЦИИ
П.	ВОЗАЧ	ТИМ	ВРЕМЕ	РАЗЛИКА
1.	Валтери Ботас	Мерцедес АМГ	1:03.130
2.	Луис Хамилтон	Мерцедес АМГ	1:03.149	+ 0.019
3.	Себастијан Ветел**	Ферари	1:03.464	+ 0.334
4.	Кими Раиконен	Ферари	1:03.660	+ 0.530
5.	Макс Ферстапен	Ред Бул	1:03.841	+ 0.710
6.	Роман Грожан	Хас	1:03.892	+ 0.762
7.	Даниел Рикиардо	Ред Бул	1:03.996	+ 0.867
8.	Кевин Магнусен	Хас	1:04.051	+ 0.921
9.	Карлос Саинц ЈР.	Рено	1:04.725	+ 1.595
10.	Нико Хулкенберг	Рено	1:05.019	+ 1.889
Q2 Најбрзо Време: Себастијан Ветел - 1:03.544
11.	Естебан Окон	Форс Индија	1:04.845	+ 1.301
12.	Пјер Гасли	Торо Росо	1:04.874	+ 1.330
13.	Чарлс Леклерк*	Заубер	1:04.979	+ 1.435
14.	Фернандо Алонсо	Мекларен	1:05.058	+ 1.514
15.	Ленс Строл	Вилијамс	1:05.286	+ 1.742
Q1 Најбрзо Време: Луис Хамилтон - 1:04.080
16.	Штофел Вандорн	Мекларен	1:05.271	+ 1.191
17.	Серџо Перез	Форс Индија	1:05.279	+ 1.199
18.	Сергеј Сироткин	Вилијамс	1:05.322	+ 1.242
19.	Брендон Хартли	Торо Росо	1:05.367	+ 1.287
20.	Маркус Ериксон	Заубер	1:05.479	+ 1.399
107% време: 1:08.565 * 5 стартни места поназад промена на менувач  ** 3 стартни места поназад непрописно блокирање
@МкФормула1 - Република Македонија @MkFormula1 - Republic of Macedonia