МЕРЦЕДЕС АМГ ПРЕД РЕД БУЛ НА ШПИЛБЕРГ

Невообичаено многу акција за време на првиот тренинг за Големата Награда на Австрија, како последица на најавените шанси за дожд на попладневната сесија. Возачите на Мерцедес АМГ ја продолжуваат формата од Франција и ги забележаа најбрзите времиња со Луис Хамилтон на првото место, 0.127 делови од секундата побрз од својот тимски колега, Валтери Ботас.

Макс Ферстапен со третото најбрзо време, најверојатно испробувајќи го новиот квалификациски мод на Рено ПЕ, излегувајќи на табелата пред Себастијан Ветел со Ферари, кој го имаше четвртото најбрзо време.

Германецот со 0.341 делови од секундата побавен од Луис Хамилтон, неговиот најсериозен ривал во борба за Титулата. Со поголемо заостанување, најверојатно како резултат на поразлична тест програма за Даниел Рикиардо и Кими Раиконен, и повторно Ред Бул побрз од Ферари.

Зад најбрзите три тима најбрз беше Роман Грожан со болидот на Хас, но неговиот тимски колега, Кевин Магнусен ја заврши сесијата со оштетување на подот на болидот и дупната гума.

Роберт Кубица седна во болидот на Вилијамс на местото од Сергеј Сироткин, убедливо најбавен од сите возачи, но Полјакот имаше задача да вози само долги стинтови, како би обезбедил оптимални податоци за неделната трка.

Значи ако по утрото се познава денот, Мерцедес АМГ има предност, но, Ферстапен со Ред Бул беше на само две десетинки заостанување.

Вториот слободен тренинг кој треба да ни донесе многу порелевантни времиња и показател дали некој може да го победи моќниот Мерцедес АМГ ќе започне во 15:00 часот по македонско време. Секако доколку се мине без најавениот попладневен дожд.

2018 АВСТРИЈА ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:04.839		39
2	Валтери Ботас	Мерцедес АМГ	1:04.966	+ 0.127	39
3	Макс Ферстапен	Ред Бул	1:05.072	+ 0.233	42
4	Себастијан Ветел	Ферари	1:05.180	+ 0.341	29
5	Даниел Рикиардо	Ред Бул	1:05.483	+ 0.644	22
6	Кими Раиконен	Ферари	1:05.776	+ 0.937	31
7	Роман Грожан	Хас	1:06.028	+ 1.189	31
8	Естебан Окон	Форс Индија	1:06.055	+ 1.216	40
9	Чарлс Леклерк	Заубер	1:06.215	+ 1.376	31
10	Пјер Гасли	Торо Росо	1:06.394	+ 1.555	36
11	Маркус Ериксон	Заубер	1:06.400	+ 1.561	32
12	Кевин Магнусен	Хас	1:06.404	+ 1.565	23
13	Карлос Саинц ЈР.	Рено	1:06.427	+ 1.588	29
14	Серџо Перез	Форс Индија	1:06.455	+ 1.616	42
15	Нико Хулкенберг	Рено	1:06.479	+ 1.640	35
16	Ленс Строл	Вилијамс	1:06.567	+ 1.728	32
17	Фернандо Алонсо	Мекларен	1:06.612	+ 1.773	30
18	Штофел Вандорн	Мекларен	1:06.698	+ 1.859	30
19	Брендон Хартли	Торо Росо	1:06.871	+ 2.032	45
20	Роберт Кубица	Вилијамс	1:07.424	+ 2.585	38
ИСТОРИЈА - ХИБРИДНА ЕРА - РЕД БУЛ РИНГ 2014 Нико Розберг - Мерцедес АМГ - 1:11.295 2015 Нико Розберг - Мерцедес АМГ - 1:10.401 2016 Нико Розберг - Мерцедес АМГ - 1:07.373 2017 Луис Хамилтон - Мерцедес АМГ - 1:05.975 2018 Луис Хамилтон - Мерцедес АМГ - 1:04.839
@МкФормула1 - Република Македонија