ФЕРАРИ И РЕД БУЛ ГИ ЧЕКА НАПОРНА НОЌ, ДОКОЛКУ САКААТ ДА ГИ ПОБЕДАТ СРЕБРЕНИТЕ СТРЕЛИ

Луис Хамилтон го забележа најбрзото време и на попладневниот тренинг на патеката Ред Бул Ринг во Шпилберг, Австрија. Интересно е што Британецот своето најбрзо време го забележа на меките гуми на Пирели, најтврдта номинирана смеша за овој викенд, додека на ултра-меката не можеше да го подобри своето време.

Валтери Ботас верна сенка на својот тимски колега, но, за разлика од минатата сезона, не можеше да го предизвика за најбрзото време во нити еден момент од денешните тренинг сесии.

Себастијан Ветел со Ферари ја намали разликата до најбрзото време за една десетинка и сега изнесуваше 0.236 делови од секундата за трето најбрзо време, победувајќи ги возачите на Ред Бул, Рикиардо пред Ферстапен.

Кими Раиконен повторно во епизодна улога, ни подолу, нити погоре од 6-тото место на табелата, со речиси 7 десетинки заостанување.

Како и во предпладневната сесија, и на оваа болидите се бореа за што подобар грип, па многу од возачите имаа извртувања или моменти на излетување надвор од патеката.

Црвените знамиња беа развеани кога Пјер Гасли со болидот на Торо Росо имаше излетување врз високите рабници, при тоа уништувајќи ја предната лева амортизација.

Механичарите на Торо Росо успеаа да ја заменат на време за Французинот повторно да излезе на асфалтот, но овој инцидент треба да им послужи на останатите возачи дека излетувањето над рабниците може да ги чини многу.

Роман Грожан и Кевин Магнусен на одличните шесто и седмо место за тимот на Хаас, единствените во разлика под една секунда од водечкиот Мерцедес АМГ. Пјер Гасли со Торо Росо и Штофел Вандорн со Мекларен го заокружуваат пласманот на најбрзите десет возачи.

Како што стојат работите, Мерцедес АМГ е тимот што треба да се победи, имаат предност во квалификациско и тркачко темпо. Неколку десетинки зад нив е Ферари, додека Ред Бул според тркачко темпо е во заостанување од неколку десетинки зад Италијанците. Ги чека напорна работа во текот на ноќта, доколку сакаат да ги победат Сребрените Стрели.

Викендот во Австрија продолжува со саботниот тренинг, од 12:00-13:00 часот, по кој следуваат Квалификаците од 15:00 часот по македонско време. Директен пренос на ТВ 24Вести.

2018 АВСТРИЈА ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:04.579		37
2	Валтери Ботас	Мерцедес АМГ	1:04.755	+ 0.176	42
3	Себастијан Ветел	Ферари	1:04.815	+ 0.236	53
4	Даниел Рикиардо	Ред Бул	1:05.031	+ 0.452	48
5	Макс Ферстапен	Ред Бул	1:05.125	+ 0.546	48
6	Кими Раиконен	Ферари	1:05.265	+ 0.686	42
7	Роман Грожан	Хас	1:05.429	+ 0.850	38
8	Кевин Магнусен	Хас	1:05.559	+ 0.980	41
9	Пјер Гасли	Торо Росо	1:05.758	+ 1.179	31
10	Штофел Вандорн	Мекларен	1:05.930	+ 1.351	47
11	Карлос Саинц ЈР.	Рено	1:05.999	+ 1.420	38
12	Чарлс Леклерк	Заубер	1:06.096	+ 1.517	30
13	Естебан Окон	Форс Индија	1:06.133	+ 1.554	43
14	Маркус Ериксон	Заубер	1:06.199	+ 1.620	29
15	Нико Хулкенберг	Рено	1:06.273	+ 1.694	42
16	Сергеј Сироткин	Вилијамс	1:06.326	+ 1.747	49
17	Брендон Хартли	Торо Росо	1:06.332	+ 1.753	55
18	Серџо Перез	Форс Индија	1:06.354	+ 1.775	48
19	Фернандо Алонсо	Мекларен	1:06.429	+ 1.850	33
20	Ленс Строл	Вилијамс	1:06.626	+ 2.047	44
ИСТОРИЈА - ХИБРИДНА ЕРА - РЕД БУЛ РИНГ 2014 Луис Хамилтон - Мерцедес АМГ - 1:09.542 2015 Себастијан Ветел - Ферари - 1:09.600 2016 Нико Розберг - Мерцедес АМГ - 1:07.967 2017 Луис Хамилтон - Мерцедес АМГ - 1:05.483 2018 Луис Хамилтон - Мерцедес АМГ - 1:04.579
@МкФормула1 - Република Македонија