ЏОВИНАЦИ БЛЕСНА ВО БОЛИДОТ НА ФЕРАРИ

Антонио Џовинаци го забележа најбрзиот круг во историјата на Хунгароринг, во една импресивна сесија за него со болидот на Ферари за време на првиот тест ден.

Италијанецот најбрзото време го забележа на хипер-меката смеша на Пирели, која што не беше достапна за возачите на Унгарското Гран При. Сепак, ова време е за нешто повеќе од половина секунда побрзо од она што го имаа Себастијан Ветел и Кими Раиконен во текот на тркачкиот викенд на ултра-меката смеша. Како што знаеме квалификациите, кога ги имаме најбрзите времиња се возеа на дожд.

СПОРЕДЕНИ ВРЕМИЊА
П.	ВОЗАЧ	ТИМ	ВРЕМЕ	РАЗЛИКА	С
1.	Антонио Џовинаци	Ферари	1:15.648	/	ХМ
2.	Себастијан Ветел	Ферари	1:16.170	+ 0.522	УМ
@МкФормула1 - Република Македонија

Младиот возач на Ферари заврши на 2,5 секунди пред најблискиот ривал Маркус Ериксон, во болидот на Заубер. Ова е тест сесија и само тоа, па времињата не се релевантен показател, особено што не знаеме какви биле тест програмите на останатите тимови.

Но, две нешта може да се извлечат како сигурен заклучок, Џовинаци имаше успешен ден кој ќе придонесе за исполнување на неговата желба, возачко место во Ф1 и ГРЕШКАТА на Пирели што не ја номинираше хипер-меката смеша за изминатата трка. Со сигурност ќе имавме многу поинтерсна битка и помеѓу стратегиите на тимовите.

Младите Британски надежи, Ландо Норис и Џорџ Расел, водечките во Ф2 шампионатот, добија уште една шанса од Мекларен и Мерцедес АМГ, а сесијата ја завршија на четвртото и петто место на табелата.

Форс Индија и Вилијамс го тестираа поедноставеното предно крило кое ќе се користи на болидите веќе од следната 2019 година. На патеката, независно од тековната тест сесија возеше и Шон Гелајл кој ги тестираше прототиповите на 2019 Пирели гумите.

Индонезиецот набрзо по поставувањето на најбрзото негово време го оштети болидот на Торо Росо, кога излета при 11-от свиок, по што следеше црвено знаме и предвремен крај на тест програмата на Пирели.

ВТОРА СЕЗОНСКА ТЕСТ СЕСИЈА ХУНГАРОРОИНГ 31 ЈУЛИ, ВТОРНИК ПРВ ТЕСТ ДЕН
П.	ВОЗАЧ	ТИМ	ВРЕМЕ	РАЗЛИКА	К/С
1.	Антонио Џовинаци	Ферари	1:15.648		96(ХМ)
2.	Маркус Ериксон	Заубер	1:18.155	+ 2.507	95(ХМ)
3.	Брендон Хартли	Торо Росо	1:19.251	+ 3.603	126(УМ)
4.	Ландо Норис	Мекларен	1:19.294	+ 3.646	107(УМ)
5.	Џорџ Расел	Мерцедес АМГ	1:19.781	+ 4.133	49(СМ)
6.	Даниел Рикиардо	Ред Бул	1:19.854	+ 4.206	125(УМ)
7.	Николас Латифи	Форс Индија	1:19.994	+ 4.346	103(М)
8.	Нико Хулкенберг	Рено	1:20.826	+ 5.178	63(Ме)
9.	Оливер Роланд	Вилијамс	1:20.970	+ 5.322	65(М)
10.	Шон Гелајл*	Торо Росо	1:21.451	+ 5.803	109(Т)
ХМ - Хипер-мека УМ - Ултра-мека СМ - Супер-мека М - Мека Ме - Медиум *Т - Пирели тест на 2019 смеши @МкФормула1 - Република Македонија @MkFormula1 - Republic of Macedonia