ЛУИС ХАМИЛТОН НАЈБРЗ НА ДОМАШЕН ТЕРЕН

Луис Хамилтон го забележа најбрзото време на отварањето на Големата Награда на Британија, која се вози на патеката Силверстоун. Домашната публика е секогаш дополнителен поттик, па Британецот беше побрз за 0.367 делови од секундата пред тимскиот колега, Валтери Ботас.

Ферари секогаш е порезервиран на овој прв тренинг, а Себастијан Ветел го имаше третото најбрзо време со половина секунда заостанување. Следуваат возачите на Ред Бул, разделени од Кими Раиконен во разлика нешто помалку од секунда.

Останатите болиди се надвор од опсегот на најбрзите три тима и големо заостанување од речиси две секунди. Повторно најбрз од нив е Роман Грожан со болидот на Хас, но и излетување и судир со заштитните бариери. Штетата е од поголем размер, потребна му е нова шасија, со што денот за Французинот е завршен.

Во Мерцедес АМГ се решија да го променат моторот во болидот на Ботас како мерка на претпазливост по проблемите со хидрауликата во Австрија. Истиот ќе биде испратен во нивната база и ако биде дадено зелено светло, што е многу веројатно, тој повторно ќе се користи во Германија.

За дополнителни казни за Ботас не може да стане збор, но сега Финецот нема повеќе мотори на располагање. Напомена: Моторот е само еден дел од хибридните ПЕ.

Вториот слободен тренинг кој треба да ни донесе многу порелевантни времиња како показател за перформансите на болидите ќе започне во 15:00 часот по македонско време.

2018 БРИТАНСКО ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:27.487		24
2	Валтери Ботас	Мерцедес АМГ	1:27.854	+ 0.367	27
3	Себастијан Ветел	Ферари	1:27.998	+ 0.511	22
4	Даниел Рикиардо	Ред Бул	1:28.144	+ 0.657	30
5	Кими Раиконен	Ферари	1:28.218	+ 0.731	24
6	Макс Ферстапен	Ред Бул	1:28.325	+ 0.838	24
7	Роман Грожан	Хас	1:29.352	+ 1.865	12
8	Серџо Перез	Форс Индија	1:29.812	+ 2.325	23
9	Естебан Окон	Форс Индија	1:29.815	+ 2.328	24
10	Ленс Строл	Вилијамс	1:29.878	+ 2.391	25
11	Маркус Ериксон	Заубер	1:29.942	+ 2.455	25
12	Пјер Гасли	Торо Росо	1:30.004	+ 2.517	31
13	Чарлс Леклерк	Заубер	1:30.027	+ 2.540	27
14	Кевин Магнусен	Хас	1:30.065	+ 2.578	20
15	Фернандо Алонсо	Мекларен	1:30.322	+ 2.835	19
16	Карлос Саинц ЈР.	Рено	1:30.358	+ 2.871	22
17	Штофел Вандорн	Мекларен	1:30.416	+ 2.929	25
18	Нико Хулкенберг	Рено	1:30.701	+ 3.214	18
19	Брендон Хартли	Торо Росо	1:30.749	+ 3.262	31
20	Сергеј Сироткин	Вилијамс	1:31.017	+ 3.530	22
ИСТОРИЈА - ХИБРИДНА ЕРА -СИЛВЕРСТОУН 2014 Луис Хамилтон - Мерцедес АМГ - 1:34.508 2015 Нико Розберг - Мерцедес АМГ - 1:34.155 2016 Луис Хамилтон - Мерцедес АМГ - 1:31.660 2017 Валтери Ботас - Мерцедес АМГ - 1:29.106 2018 Луис Хамилтон - Мерцедес АМГ - 1:27.487
@МкФормула1 - Република Македонија @MkFormula1 - Republic of Macedonia

Се сеќавате на SHIELD-от што го тестираше Ферари минатата сезона?