ПО ПОДОЛГО ВРЕМЕ ФЕРАРИ НАЈБРЗ НА СИЛВЕРСТОУН

По подолго време, т.е. од 2012 година, Ферари успева да го победи Мерцедес АМГ на домашен терен, иако тоа е само тренинг сесија. Себастијан Ветел го имаше најбрзото време на попладневниот тренинг, додека Луис Хамилтон беше за 0.187 делови од секундата побавен за второ место на табелата.

Втората Сребрена стрела на Валтери Ботас, опремена со нов мотор на Мерцедес, заврши со три десетинки заостанување зад Ферари, на трето место, пред Кими Раиконен на четвртото место.

Дали Мерцедес АМГ ја залажува јавноста или Ферари го пронајдоа вистинскиот сет-ап на болидот што може да донесе неизвесна борба за Пол позицијата и Победата на неделната трка?!? Просечното време на стинтовите кои симулираа тркачко темпо на жолтата мека смеша е 1:33.1/33.5/33.8/34.1 за Хамилтон/Ботас/Раиконен/Рикиардо. Себастијан Ветел имаше стинт на медиум смешата, додека Ферстапен беше аут.

Додека работите се одвиваа добро за првите два тима, минатонеделните победници Ред Бул имаа проблематична сесија. Даниел Рикиардо заврши со осум десетинки заостанување зад најбрзото време на 5-тата позиција од табелата, но неговиот тимски колега Макс Ферстапен, надевајќи се на попладне без инциденти, откако неговиот РБ14 имаше проблеми со менувачот при крајот на првиот тренинг, сесијата ја заврши без забележано време.

Тој во еден момент ја изгуби контролата на задниот дел од неговиот болид и заврши во бариерите покрај патеката. Холанѓанецот ја уништи задната амортизација, што беше крај на неговата денешна тест програма.

Кристијан Хорнер ги минимизираше шансите за некоја казна поради промена на делови од ПЕ или менувач, бидејќи се користеле стари дотраени компоненти, но жали по изгубеното драгоцено време за подесување на болидот.

Нешто повеќе ќе дознаеме утре на саботниот тренинг во 12:00, додека Квалификациите кои се закажани за 15:00 часот по македонско време ќе ги потвдат нашите сомнежи.

2018 БРИТАНСКО ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Себастијан Ветел	Ферари	1:27.552		35
2	Луис Хамилтон	Мерцедес АМГ	1:27.739	+ 0.187	31
3	Валтери Ботас	Мерцедес АМГ	1:27.909	+ 0.357	29
4	Кими Раиконен	Ферари	1:28.045	+ 0.493	34
5	Даниел Рикиардо	Ред Бул	1:28.408	+ 0.856	31
6	Фернандо Алонсо	Мекларен	1:29.306	+ 1.754	31
7	Нико Хулкенберг	Рено	1:29.354	+ 1.802	34
8	Естебан Окон	Форс Индија	1:29.467	+ 1.915	32
9	Серџо Перез	Форс Индија	1:29.522	+ 1.970	31
10	Чарлс Леклерк	Заубер	1:29.557	+ 2.005	30
11	Карлос Саинц ЈР.	Рено	1:29.563	+ 2.011	35
12	Кевин Магнусен	Хас	1:29.617	+ 2.065	32
13	Пјер Гасли	Торо Росо	1:29.831	+ 2.279	16
14	Маркус Ериксон	Заубер	1:30.046	+ 2.494	31
15	Ленс Строл	Вилијамс	1:30.069	+ 2.517	33
16	Сергеј Сироткин	Вилијамс	1:30.103	+ 2.551	35
17	Штофел Вандорн	Мекларен	1:30.121	+ 2.569	30
18	Брендон Хартли	Торо Росо	1:30.404	+ 2.852	35
19	Макс Ферстапен	Ред Бул	/	/	2
20	Роман Грожан	Хас	/	/	0
ИСТОРИЈА - ХИБРИДНА ЕРА -СИЛВЕРСТОУН 2014 Нико Розберг - Мерцедес АМГ - 1:35.424 2015 Нико Розберг - Мерцедес АМГ - 1:34.274 2016 Луис Хамилтон - Мерцедес АМГ - 1:31.654 2017 Валтери Ботас - Мерцедес АМГ - 1:28.496 2018 Себастијан Ветел - Ферари - 1:27.552
@МкФормула1 - Република Македонија @MkFormula1 - Republic of Macedonia