КИМИ ЗА НИЈАНСА ПОБРЗ ОД ЛУИС, СЕБ СО ПРОБЛЕМИ

Вториот тренинг се одржа во вистинските услови со кои возачите ќе се соочат на квалификациската сесија и неделната трка. Кими Раиконен го забележа најбрзото време на хипер-меките гуми на Пирели, но Луис Хамилтон беше само 0.011 делови од секундата побавен од времето на Финецот.

Зад Раиконен и Хамилтон се најдоа двајцата возачи на Ред Бул, сега Макс Ферстапен пред Даниел Рикиардо на третата и четврта позиција на табелата. Кристијан Хорнер во изјава за Скај Ф1 потврди дека заостанувањето е поголемо од планираното и дека доколку не обезбедат добра позиција на утрешните квалификации, дека нивното тркашко темпо кое е најдобро од сите, за жал нема да може да биде максимално искористено.

Валтери Ботас го имаше петтото најбрзо време, пред Реното на Карлос Саинц Јр. на шестата позиција на патеката каде го забележа својот најдобар Формула 1 финиш со четвртото место минатата година со Торо Росо. Иако Рено се смета за подобар од останатите, неговата предност не е премногу голема пред се во однос на болидите на Хас и особено Мекларенот на Фернандо Алонсо, кој имаше охрабрувачки резултат за тимот по нивните слаби последни пласмани.

Себастијан Ветел со пласман на деветтата позиција на табелата, но она што ги загрижува во Ферари е неговата лоша форма. Германецот, при крајот на својот прв квалификациски брз круг, имаше блиска средба со бариерите покрај патеката на излезот од 21-от свиок.

Иако првично се чинеше дека е само мал допир, набрзо по неговото влегување во бокс беше откриено дека контактот предизвикал многу посериозен проблем, при што антифризот од неговиот болид се растече на подот од гаражата на Ферари. Тоа беше крај на денот за него и ран прекин на тест програмата, т.е. подесување на болидот за трка.

Тркачкиот викенд во Сингапур на патеката Марина Беј продолжува со саботниот тренинг и Квалификациите, кои започнуваат во 15:00 часот по македонско време.

2018 СИНГАПУР ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Кими Раиконен	Ферари	1:38.699		35
2	Луис Хамилтон	Мерцедес АМГ	1:38.710	+ 0.011	20
3	Макс Ферстапен	Ред Бул	1:39.221	+ 0.522	28
4	Даниел Рикиардо	Ред Бул	1:39.309	+ 0.610	33
5	Валтери Ботас	Мерцедес АМГ	1:39.368	+ 0.669	33
6	Карлос Саинц ЈР.	Рено	1:40.274	+ 1.575	36
7	Роман Грожан	Хас	1:40.384	+ 1.685	33
8	Фернандо Алонсо	Мекларен	1:40.459	+ 1.760	31
9	Себастијан Ветел	Ферари	1:40.633	+ 1.934	12
10	Нико Хулкенберг	Рено	1:40.668	+ 1.969	35
11	Серџо Перез	Форс Индија	1:40.774	+ 2.075	30
12	Маркус Ериксон	Заубер	1:40.812	+ 2.115	37
13	Естебан Окон	Форс Индија	1:40.870	+ 2.171	33
14	Чарлс Леклерк	Заубер	1:41.062	+ 2.363	37
15	Кевин Магнусен	Хас	1:41.154	+ 2.455	32
16	Штофел Вандорн	Мекларен	1:41.164	+ 2.465	32
17	Брендон Хартли	Торо Росо	1:41.542	+ 2.843	38
18	Пјер Гасли	Торо Росо	1:41.615	+ 2.916	36
19	Ленс Строл	Вилијамс	1:42.141	+ 3.442	17
20	Сергеј Сироткин	Вилијамс	1:42.181	+ 3.482	36
ИСТОРИЈА - ХИБРИДНА ЕРА - МАРИНА БЕЈ 2014 Луис Хамилтон - Мерцедес АМГ - 1:47.490 2015 Данил Квјат - Ред Бул - 1:46.142 2016 Нико Розберг - Мерцедес АМГ - 1:44.152 2017 Даниел Рикиардо - Ред Бул - 1:40.852 2018 Кими Раиконен - Ферари - 1:38.699
@МкФормула1 - Република Македонија @MkFormula1 - Republic of Macedonia