МЕРЦЕДЕС АМГ ДОМИНАНТЕН НА ПЕТОЧНИТЕ ТРЕНИНГ СЕСИИ

Луис Хамилтон го имаше најбрзото време на петочните тренинг сесии за Големата Награда на Јапонија, а Мерцедес АМГ доминираше на двете тренинг сесии, освојувајќи ги првите две места далеку пред Ферари и останатите тимови. Валтери Ботас со второ најбрзо време беше за околу половина секунда побавен.

Себастијан Ветел од Ферари ги комплетираше првите тројца најбрзи возачи, но заостанувањето е речиси девет десетинки зад најбрзото време на Британецот, кој воедно има 50 поени предност во борбата за Шампионската титула. Тоа дополнително ги комплицира работите за нас фановите кои се надевавме на блиска борба до последната трка од оваа сезона.

Макс Ферстапен го имаше четвртото најбрзо време, победувајќи го Ферарито на Кими Раиконен за 0.24 делови од секундата, кој пак беше за 0.025 побрз од Даниел Рикиардо на 6-тото место на табелата.

Естебан Окон со Форс Индија повторно беше најбрзиот возач надвор од вообичаено најбрзите три тимови, реплицирајќи ја неговата форма од првиот тренинг. Роман Грожан беше веднаш зад него на осмото место со болидот на Хас, пред Маркус Ериксон со Заубер и Брендон Хартли со Торо Росо на 10-тото место.

Неговиот тимски колега, Пјер Гасли, имаше фрустрирачка сесија, бидејќи поголемиот дел од времето го преседе во својата гаража, поради проблеми со пумпата за гориво. Од Торо Росо се очекуваат добри резултати на домашната трка за Хонда и најновата нивна Ц спецификација на погонската единица. Се очекува сигурен пласман во Q3.

Значи, според денес прикажаното Мерцедес АМГ има најголеми шанси за Пол позицијата, но дали тоа е навистина така, ќе дознаеме на последниот тренинг и квалификациите.

Овој викенд кој ќе сака да гледа преноси во живо, нема да има многу време за спиење, бидејќи квалфикациите започнуваат во 08:00 часот во Сабота, додека трката е со почеток од 07:10 часот наутро во Недела по Македонско време.

2018 ЈАПОНСКО ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:28.217		31
2	Валтери Ботас	Мерцедес АМГ	1:28.678	+ 0.461	30
3	Себастијан Ветел	Ферари	1:29.050	+ 0.833	26
4	Макс Ферстапен	Ред Бул	1:29.257	+ 1.040	32
5	Кими Раиконен	Ферари	1:29.498	+ 1.281	33
6	Даниел Рикиардо	Ред Бул	1:29.515	+ 1.296	27
7	Естебан Окон	Форс Индија	1:30.035	+ 1.818	32
8	Роман Грожан	Хас	1:30.440	+ 2.223	32
9	Маркус Ериксон	Заубер	1:30.478	+ 2.261	33
10	Брендон Хартли	Торо Росо	1:30.502	+ 2.285	27
11	Серџо Перез	Форс Индија	1:30.510	+ 2.293	28
12	Нико Хулкенберг	Рено	1:30.644	+ 2.427	36
13	Пјер Гасли	Торо Росо	1:30.795	+ 2.578	10
14	Карлос Саинц ЈР.	Рено	1:30.904	+ 2.687	31
15	Чарлс Леклерк	Заубер	1:30.906	+ 2.689	26
16	Кевин Магнусен	Хас	1:30.956	+ 2.739	25
17	Фернандо Алонсо	Мекларен	1:30.988	+ 2.771	34
18	Сергеј Сироткин	Вилијамс	1:31.087	+ 2.870	39
19	Ленс Строл	Вилијамс	1:31.215	+ 2.998	32
20	Штофел Вандорн	Мекларен	1:31.981	+3.764	32
ИСТОРИЈА - ХИБРИДНА ЕРА - СУЗУКА 2014 Луис Хамилтон - Мерцедес АМГ - 1:35.078 2015 Данил Квјат - Ред Бул - 1:48.277 2016 Нико Розберг - Мерцедес АМГ - 1:32.250 2017 Луис Хамилтон - Мерцедес АМГ - 1:48.719 2018 Луис Хамилтон - Мерцедес АМГ - 1:28.217
@МкФормула1 - Република Македонија @MkFormula1 - Republic of Macedonia

Лидерот во генералниот пласман на возачи, Луис Хамилтон, ја предводеше доминантната 1-2 позиција на Мерцедес АМГ на првиот тренинг за Големата Награда на Јапонија, и покрај тоа што сребрените стрели не ги употребија најмеките гуми на Пирели.

Британецот беше подобар од тимскиот колега Валтери Ботас за половина секунда, седум десетинки пред Ред Бул и речиси секунда од Ферари.

Даниел Рикиардо го заврши утринскиот тренинг на трето, додека Кими Раиконен го победи својот тимски колега, Себастијан Ветел, за четвртото место на табелата.

2018 ЈАПОНСКО ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:28.691		25
2	Валтери Ботас	Мерцедес АМГ	1:29.137	+ 0.446	26
3	Даниел Рикиардо	Ред Бул	1:29.373	+ 0.682	32
4	Кими Раиконен	Ферари	1:29.627	+ 0.936	20
5	Себастијан Ветел	Ферари	1:29.685	+ 0.994	20
6	Макс Ферстапен	Ред Бул	1:29.841	+ 1.150	30
7	Естебан Окон	Форс Индија	1:30.591	+ 1.900	28
8	Роман Грожан	Хас	1:30.814	+ 2.123	22
9	Чарлс Леклерк	Заубер	1:30.929	+ 2.238	27
10	Маркус Ериксон	Заубер	1:31.073	+ 2.382	29
11	Пјер Гасли	Торо Росо	1:31.073	+ 2.382	20
12	Карлос Саинц ЈР.	Рено	1:31.100	+ 2.409	23
13	Серџо Перез	Форс Индија	1:31.272	+ 2.581	29
14	Кевин Магнусен	Хас	1:31.274	+ 2.583	28
15	Нико Хулкенберг	Рено	1:31.418	+ 2.727	18
16	Ленс Строл	Вилијамс	1:31.508	+ 2.817	27
17	Брендон Хартли	Торо Росо	1:31.908	+ 3.217	23
18	Фернандо Алонсо	Мекларен	1:32.034	+ 3.343	21
19	Сергеј Сироткин	Вилијамс	1:32.515	+ 3.822	26
20	Ландо Норис	Мекларен	1:32.683	+ 3.992	30
ИСТОРИЈА - ХИБРИДНА ЕРА - СУЗУКА 2014 Нико Розберг - Мерцедес АМГ - 1:35.461 2015 Карлос Саинц ЈР. - Торо Росо - 1:49.434 2016 Нико Розберг - Мерцедес АМГ - 1:32.431 2017 Себастијан Ветел - Ферари - 1:29.166 2018 Луис Хамилтон - Мерцедес АМГ - 1:28.691
@МкФормула1 - Република Македонија @MkFormula1 - Republic of Macedonia