ЧАРЛС ЛЕКЛЕРК ГО ВРАТИ ФЕРАРИ НА ВРВОТ, ХАМИЛТОН ГО ПРИТИСНА W10

Чарлс Леклерк гo заврши тестирањето на SF90, со забележување на најбрзото време на денот и во овие 7 дена на Каталуња, но со помош на комплетно нов сет од најмеките гуми на Пирели за оваа 2019 сезoна, смешата C5.

Коментирајќи за резултатот, Чарлс рече дека не го нападнал лимитот на болидот, така што Ферари може да биде и побрз. Утре, на последниот ден од пред-сезонските тест сесии, Себастијан Ветел ќе има шанса да го потврди тоа.

Втората недела од тестовите донесе проблеми за трите најбрзи тимови. Првиот ден Мерцедес АМГ имаше проблеми со ПЕ, на вториот Себастијан Ветел го уништи SF90, а денес на ред беше Ред Бул. Веднаш по паузата за ручек, Пјер Гасли имаше излетување во 9-от свиок, по што заврши во бариерите покрај патеката.

Сесијата беше стопирана, а Французинот беше испратен во медицински центар, откако Г-сензор покажал опасно преоптоварување. Наскоро, Пјер се вратил во тимската гаража без никакви последици од инцидентот.

Инженерите на Ред Бул немаа време да го поправат болидот во преостанатото време до финишот на сесијата, па нивната денешна тест-програма заврши во тој момент. За разлика од Ветел, Пјер Гасли призна дека тој направил возачка грешка што го предизвика неговото излетување.

"Направив грешка при влез во деветиот свиок и во основа го изгубив болидот. Навистина голема несреќа. Една од најголемите несреќи што сум ги имал. Сега следува долга ноќ за механичарите. Жалам за тоа. Успеавме да комплетираме многу кругови и имаме многу податоци за анализирање."

Девет од Десет тимови забележаа брзи кругови во квалификациско темпо, останува Мерцедес АМГ, на кои им останува утрешниот последен ден во Барселона да покажат колку се брзи.

2019 БАРСЕЛОНА II ТЕСТ СЕСИЈА - ДЕН 3
П.	ВОЗАЧ	ТИМ	ВРЕМЕ	РАЗЛИКА	КРУГ
1	Чарлс Леклерк	Ферари	1:16.231		138(C5)
2	Алекс Албон	Торо Росо	1:16.882	+ 0.651	118(C5)
3	Ландо Норис	Мекларен	1:17.084	+ 0.853	84(C5)
4	Пјер Гасли	Ред Бул	1:17.091	+ 0.860	65(C5)
5	Даниел Рикиардо	Рено	1:17.204	+ 0.973	65(C5)
6	Нико Хулкенберг	Рено	1:17.496	+ 1.265	73(C5)
7	Ленс Строл	Рејсинг Поинт	1:17.556	+ 1.325	103(C5)
8	Антонио Џовинаци	Алфа Ромео	1:17.639	+ 1.408	71(C5)
9	Роман Грожан	Хас	1:17.854	+ 1.623	16(C4)
10	Луис Хамилтон	Мерцедес АМГ	1:18.097	+ 1.867	85(C2)
11	Џорџ Расел	Вилијамс	1:18.130	+ 1.899	140(C5)
12	Кевин Магнусен	Хас	1:18.199	+ 1.968	53(C3)
13	Валтери Ботас	Мерцедес АМГ	1:18.862	+ 2.631	96(C3)
@МкФормула1 - Република Македонија @MkFormula1 - Republic of Macedonia

2019 БАРСЕЛОНА II ТЕСТ СЕСИЈА - ДЕН 3 КОРЕГИРАНИ ВРЕМИЊА ЗА C3 СМЕШАТА
П.	ВОЗАЧ	ТИМ	ВРЕМЕ	РАЗЛИКА	СМЕША
1	Луис Хамилтон	Мерцедес АМГ	1:17.397		(C3)
2	Чарлс Леклерк	Ферари	1:17.431	+ 0.034	(C3)
3	Алекс Албон	Торо Росо	1:18.082	+ 0.685	(C3)
4	Кевин Магнусен	Хас	1:18.199	+ 0.802	(C3)
5	Ландо Норис	Мекларен	1:18.284	+ 0.887	(C3)
6	Пјер Гасли	Ред Бул	1:18.291	+ 0.894	(C3)
7	Даниел Рикиардо	Рено	1:18.404	+ 1.007	(C3)
8	Роман Грожан	Хас	1:18.454	+ 1.057	(C3)
9	Нико Хулкенберг	Рено	1:18.696	+ 1.299	(C3)
10	Ленс Строл	Рејсинг Поинт	1:18.756	+ 1.359	(C3)
11	Антонио Џовинаци	Алфа Ромео	1:18.839	+ 1.442	(C3)
12	Валтери Ботас	Мерцедес АМГ	1:18.862	+ 1.465	(C3)
13	Џорџ Расел	Вилијамс	1:19.330	+ 1.933	(C3)
@МкФормула1 - Република Македонија @MkFormula1 - Republic of Macedonia