ФЕРАРИ ДОМИНАНТЕН НА ДЕНЕШНИТЕ ТРЕНИНГ СЕСИИ

Себастијан Ветел го забележа убедливо најбрзото време на денешните тренинг сесии со помош на црвените гуми на Пирели, но неговиот нов тимски колега, Чарлс Леклерк беше тука некаде, побавен за само 0.035 делови од секундата.

Треба да напоменеме дека Себастијан Ветел направи грешка во последниот свиок, што значи дека можеше да забележи нешто побрзо време.

Дежа ву од минатата година, болидите на Сребрените стрели беа за нешто повеќе од половина секунда побавни. Луис Хамилтон го забележа третото најбрзо време. Британецот изгуби време во првите два сектора и не можеше да направи нешто повеќе во брзиот сектор три.

Според оваа најважна тренинг сесија за ГН на Бахреин, изгледа Ферари како да има предност и на сонце и под светла.

Валтери Ботас мораше да го прекине својот брз круг, откако влезе во сообраќај на патеката. Финецот секако дека не го покажа неговиот максимум.

Разликата со која заостануваат возачите на Ред Бул е изненадувачка. Тимот со новата Хонда ПЕ се надеваше дека ќе се бори за Победа овој викенд, но ја заврши сесијата зад Рено.

ВИДЕО РЕЗИМЕ НА ВТОРИОТ ТРЕНИНГ

Кристијан Хорнер во изјавата за Скај Спорт беше релаксиран и рече дека го промашиле работниот прозорец за црвените гуми и дека не треба да ги отпишуваме од утрешната битка за Пол позицијата.

Нико Хулкенберг, во болидот на Французите, кој има доста надградби за оваа трка, заврши на петтото место и речиси идентично време со тоа на Мерцедес АМГ.

Или во Рено ги погодиле новите надградби, или пак, што е поверојатно дека Сребрените стрели не биле ни блиску до максималната моќност на Мерцедес ПЕ.

Ландо Норис го продолжи охрабрувачкиот старт на Мекларен со забележување на осмото место, една десетинка пред неговиот поискусен тимски колега Карлос Саинц Јр., кој беше 11-ти зад Даниел Квјат.

Даниел Рикиардо се уште се чини дека се бори да се прилагоди на новиот болид, повторно завршувајќи далеку зад Хулкенберг, со 15-тото најбрзо време, и повеќе од една секунда зад својот тимски колега.

Вилијамс убедливо на последните две места од табелата и разочарувачки перформанси на Роберт Кубица.

Во меѓувреме, двата болиди на Алфа Ромео со идентичен проблем, истекување на водата од нивниот систем за ладење. Во тимот треба да изведат опширна истрага за причините за овој неочекуван дефект, кој им ја уништи најважната тренинг сесија.

2019 БАХРЕИН ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Себастијан Ветел	Ферари	1:28.846		32
2	Чарлс Леклерк	Ферари	1:28.881	+ 0.035	32
3	Луис Хамилтон	Мерцедес АМГ	1:29.449	+ 0.603	33
4	Валтери Ботас	Мерцедес АМГ	1:29.557	+ 0.711	36
5	Нико Хулкенберг	Рено	1:29.669	+ 0.823	32
6	Макс Ферстапен	Ред Бул	1:29.725	+ 0.879	34
7	Кевин Магнусен	Хас	1:30.000	+ 1.154	33
8	Ландо Норис	Мекларен	1:30.017	+ 1.171	25
9	Роман Грожан	Хас	1:30.068	+ 1.222	34
10	Данил Квјат	Торо Росо	1:30.093	+ 1.247	36
11	Карлос Саинц ЈР.	Мекларен	1:30.192	+ 1.346	33
12	Пјер Гасли	Ред Бул	1:30.429	+ 1.583	31
13	Александар Албон	Торо Росо	1:30.458	+ 1.612	36
14	Серџо Перез	Рејсинг Поинт	1:30.716	+ 1.870	32
15	Даниел Рикиардо	Рено	1:30.848	+ 2.002	30
16	Кими Раиконен	Алфа Ромео	1:31.088	+ 2.242	6
17	Ленс Строл	Рејсинг Поинт	1:31.129	+ 2.283	31
18	Антонио Џовинаци	Алфа Ромео	1:31.144	+ 2.298	10
19	Џорџ Расел	Вилијамс	1:31.904	+ 3.058	32
20	Роберт Кубица	Вилијамс	1:32.932	+ 4.086	37
ИСТОРИЈА - ХИБРИДНА ЕРА - БАХРЕИН 2014 Луис Хамилтон - Мерцедес АМГ - 1:34.325 2015 Нико Розберг - Мерцедес АМГ - 1:34.647 2016 Нико Розберг - Мерцедес АМГ - 1:31.001 2017 Себастијан Ветел - Ферари - 1:31.310 2018 Кими Раиконен - Ферари - 1:29.817 2019 Себастијан Ветел - Ферари - 1:28.846
@МкФормула1 - Република Македонија @MkFormula1 - Republic of Macedonia