ВАЛТЕРИ БОТАС ПРЕД ВОЗАЧИТЕ НА ФЕРАРИ

Валтери Ботас го забележа најбрзото време на првиот тренинг за Големата Награда на Шпанија, со по десетинка предност пред дуото на Ферари, Себастијан Ветел и Чарлс Леклер. Луис Хамилтон на четвртата позиција не изгледаше заинтересиран за поставување на брзо време на оваа препладневна сесија.

Пред крајот на сесијата, инженерите на Ботас пронајдоа истекување на масло од неговиот болид, по што тој ја заврши сесијата пред време, но го задржа првото место на табелата.

Поголеми главоболки ќе имаат механичарите на Макс Верстапен кои, исто така, откриле истекување на маслото, но, медиумите од падокот во Барселона јавуваат дека тие морале да ја демонтираат Хонда ПЕ за да ја пронајдат причината.

Во последната минута од сесијата, Ленс Строл изгуби контрола врз болидот на Рејсинг Поинт, завршувајќи во заштитните бариери покрај 9-от свиок. Беа развеани црвените знамиња под кои и заврши сесијата. Канаѓанецот е добар, но, предниот дел на неговиот болид е сериозно оштетен.

Возачите на Ферари, Мекларен и Даниел Рикиардо од Рено добија нови ПЕ во утринските часови со кои тимовите очекуваат да додадат повеќе моќност, но и сигурност на нивните болиди.

Во тимот на Хас, новините беа монтирани само на болидот на Роман Грожан, додека Магнусен го возеше болидот од претходната конфигурација, со цел да се оцени дали новите делови функционираат според зацртаните параметри.

Французинот заврши на импресивното 5 место на табелата, но имаше неколку излетувања низ чакалот покрај патеката.

Вториот тренинг започнува во 15:00 часот и на кој се надеваме дека ќе покаже дека Ферари или пак Ред Бул имаат многу повеќе сила да се спротистават на Сребрените Стрели.

ВИДЕО РЕЗИМЕ НА ТРЕНИНГ 1

2019 ШПАНИЈА ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:17.951		19
2	Себастијан Ветел	Ферари	1:18.067	+ 0.115	20
3	Чарлс Леклер	Ферари	1:18.172	+ 0.221	20
4	Луис Хамилтон	Мерцедес АМГ	1:18.575	+ 0.624	22
5	Роман Грожан	Хас	1:18.943	+ 0.992	25
6	Карлос Саинц ЈР.	Мекларен	1:19.155	+ 1.204	31
7	Кевин Магнусен	Хас	1:19.180	+ 1.229	27
8	Пјер Гасли	Ред Бул	1:19.285	+ 1.334	30
9	Даниел Квјат	Торо Росо	1:19.364	+ 1.415	34
10	Нико Хулкенберг	Рено	1:19.450	+ 1.499	25
11	Даниел Рикиардо	Рено	1:19.511	+ 1.560	24
12	Макс Верстапен	Ред Бул	1:19.844	+ 1.893	14
13	Ленс Строл	Рејсинг Поинт	1:19.855	+ 1.904	28
14	Антонио Џовинаци	Алфа Ромео	1:20.021	+ 2.070	28
15	Алекс Албон	Торо Росо	1:20.030	+ 2.079	25
16	Ландо Норис	Мекларен	1:20.067	+ 2.115	33
17	Серџо Перез	Рејсинг Поинт	1:20.459	+ 2.508	26
18	Кими Раиконен	Алфа Ромео	1:20.591	+ 2.640	22
19	Роберт Кубица	Вилијамс	1:20.889	+ 2.938	27
20	Џорџ Расел	Вилијамс	1:20.990	+ 3.039	23
ИСТОРИЈА - ХИБРИДНА ЕРА - КАТАЛУЊА 2014 Луис Хамилтон - Мерцедес АМГ - 1:27.023 2015 Нико Розберг - Мерцедес АМГ - 1:26.828 2016 Себастијан Ветел - Ферари - 1:23.951 2017 Луис Хамилтон - Мерцедес АМГ - 1:21.521 2018 Валтери Ботас - Мерцедес АМГ - 1:18.148 2019 Валтери Ботас - Мерцедес АМГ - 1:17.951
@МкФормула1 - Република Македонија @MkFormula1 - Republic of Macedonia