МЕРЦЕДЕС ЌЕ ДОМИНИРА ВО ШПАНИЈА?!?

Мерцедес АМГ на врвот од табелата и на вториот слободен тренинг за Големата Награда на Шпанија. Валтери Ботас го забележа најбрзото време на денот, но сега само со 0.049 делови од секундата пред Луис Хамилтон кој се погрижи за совршен старт на сребрените стрели.

Возачите на Ферари, Чарлс Леклер и Себастијан Ветел покажаа солидна брзина, но највената борба со Мерцедес АМГ ја немаше. Новите аеро надградби и новата Ферари ПЕ во нивниот болид ја изгубија предноста дури и на петочните тренинг сесии.

Ако судиме според претходните трки, Мерцедес АМГ е на прагот да го подобри рекордниот старт на 2019 сезоната со  5-та последователна 1-2 Победа.

Возачот на Ред Бул, Макс Верстапен, на чиј болид беше откриено истекување на масло на утринскиот тренинг, што доведе до предвремена промена на ПЕ со втората спецификација на Хонда ПЕ, која била закажана за вечерва, беше петти најбрз, со дефицит од 0.750 делови од секундата зад најбрзото време.

Во текот на сесијата тој се пожали на губење на моќта од ПЕ, по што беше повикан во својата гаража по комплетирањето на само 15 круга, и тој се врати на патеката во последните 15 минути од сесијата.

Болидите на Хас изгледаа доста брзо, барем во круговите кога нивните возачи успеваа да ги задржат на патеката. Роман Грожан успеа да ги раздели возачите на Ред Бул, со надградениот болид на Хас, додека неговиот тимски колега, Кевин Магнусен беше осми, зад вториот Ред Бул на Пјер Гасли, но со стара спецификација на нивниот болид. Американците покажаа потенцијал да бидат веднаш зад најбрзите два тима на двете тренинг сесии.

Веднаш зад нив со изедначени перформанси Карлос Саинц Јр. со Мекларен и Даниел Квјат со Торо Росо за комплетирање на Топ 10 пласманот.

Што се однесува до разликите во брзина помеѓу смешите на Пирели, нивните инженери велат дека разликата помеѓу медиум и меките е околу 0.8 секунди и 1.1 секунда помеѓу тврдите и медиум гуми.

Значи, Мерцедес АМГ како најголеми фаворити со прикажаното на денешните тренинг сесии ќе се подготвуваат за саботниот тренинг, 12:00 MK и Квалификациите, 15:00 MK. Останатите тимови се чини дека ќе имаат многу работа за да ги подготват своите болиди за останатиот дел од викендот.

ВИДЕО РЕЗИМЕ НА ТРЕНИНГ 2

2019 ШПАНИЈА ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:17.284		35
2	Луис Хамилтон	Мерцедес АМГ	1:17.333	+ 0.049	35
3	Чарлс Леклер	Ферари	1:17.585	+ 0.301	42
4	Себастијан Ветел	Ферари	1:17.673	+ 0.389	41
5	Макс Верстапен	Ред Бул	1:18.035	+ 0.751	30
6	Роман Грожан	Хас	1:18.153	+ 0.869	42
7	Пјер Гасли	Ред Бул	1:18.238	+ 0.954	34
8	Кевин Магнусен	Хас	1:18.355	+ 1.071	40
9	Карлос Саинц ЈР.	Мекларен	1:18.658	+ 1.374	45
10	Даниел Квјат	Торо Росо	1:18.722	+ 1.438	40
11	Кими Раиконен	Алфа Ромео	1:18.727	+ 1.443	30
12	Алекс Албон	Торо Росо	1:18.779	+ 1.495	44
13	Ленс Строл	Рејсинг Поинт	1:18.839	+ 1.555	33
14	Нико Хулкенберг	Рено	1:18.861	+ 1.577	43
15	Даниел Рикиардо	Рено	1:18.934	+ 1.650	40
16	Ландо Норис	Мекларен	1:19.041	+ 1.757	43
17	Антонио Џовинаци	Алфа Ромео	1:19.427	+ 2.143	37
18	Серџо Перез	Рејсинг Поинт	1:19.448	+ 2.164	40
19	Џорџ Расел	Вилијамс	1:20.191	+ 2.907	38
20	Роберт Кубица	Вилијамс	1:20.781	+ 3.497	23
ИСТОРИЈА - ХИБРИДНА ЕРА - КАТАЛУЊА 2014 Луис Хамилтон - Мерцедес АМГ - 1:25.524 2015 Луис Хамилтон - Мерцедес АМГ - 1:26.852 2016 Нико Розберг - Мерцедес АМГ - 1:23.922 2017 Луис Хамилтон - Мерцедес АМГ - 1:20.802 2018 Луис Хамилтон - Мерцедес АМГ - 1:18.259 2019 Валтери Ботас - Мерцедес АМГ - 1:17.284
@МкФормула1 - Република Македонија @MkFormula1 - Republic of Macedonia