Прошталната миса, започна во среда, во 13 часот, и на неа присуствуваа многу познати личности од светот на Формула 1. Меѓу присутните беа: Луис Хамилтон, Тото Волф, Хелмут Марко, Дејвид Култхард, Ален Прост, познатиот физиотерапевт Јозеф Лебер, Жан Тод, Чејс Кери, Рос Браун, Нелсон Пике, Жан Алези, Кристијан Хорнер, Артуро Мерзарио, еден од оние кои во 1976 година го извадиле Лауда од запалениот болид во Нирбургринг, Џеки Стјуарт, Герхард Бергер, Алекс Вурц, Нико Розберг, Најџел Менсел, Валтери Ботас, Матија Биното, Франц Тост, Флавио Бријаторе, Стефано Доменикали, Отмар Шафнауер, Клер Вилијамс, Марк Вебер, Гинтер Штајнер, Џорџ Расел, Арнолд Шварценегер, Даниел Брил, кој го играше Лауда во филмот "RUSH", и многу други австриски спортисти, пејачи и политичари.
По завршувањето на мисата, погребната поворка со ковчегот на Лауда, кој беше придружуван од членовите на семејството, Жан Алези, Нелсон Пике, Луис Хамилтон, Нико Розберг, Валтери Ботас, Ален Прост и Герхард Бергер се упати кон гробиштата Неустифер, каде што е погребана мајката на австрискиот шампион.
Ники Лауда беше погребан во шампионскиот комбинезон на Ферари, по негова желба. Животната приказна на Ники Лауда е завршена, ќе остане сеќавањето на еден од најголемите возачи во Формула 1 Шампионатот.
