МЕРЦЕДЕС АМГ - АТАК НА КНЕЖЕСТВОТО, МОНТЕ КАРЛО Е ВО НАШИ РАЦЕ!!!

По денешните тренинг сесии, возачите на Мерцедес АМГ се покажаа како најголеми и единствени конкуренти за Пол Позицијата на Големата Награда на Монако. Луис Хамилтон го имаше најбрзото време на денот, околу две десетинки пред Валтери Ботас во вториот болид на сребрените стрели.

Следуваат со големо заостанување, за вака кратка патека, Себастијан Ветел со Ферари, Пјер Гасли со Ред Бул и изненадувањето на оваа сесија, Алекс Албон со Торо Росо.

Минатата година, на оваа патека, возачот од Тајланд ја освои Пол позицијата во Ф2 шампионатот, денес беше во рамките на една секунда од Хамилтон и девет места пред неговиот тимски колега, Даниел Квјат, кој беше 14-ти.

Макс Верстапен го имаше 6-тото најбрзо време, но, немавме соодветна можност да го дознаеме неговиот максимален потенцијал, бидејќи по само 10 комплетирани круга тој беше повлечен во гаражата на Ред Бул, со тоа што механичарите напорно работеа поправка на неговиот болид, кој испушташе вода. Холанѓанецот се врати на патеката на неколку минути пред крајот на тренингот.

Кевин Магнусен уште еднаш со добар пласман со болидот на Хас, завршувајќи на 7-то место, додека Антонио Џовинаци импресионираше со пласман на осмото место, пред искусниот тимски колега, Кими Раиконен и Чарлс Леклер со Ферари, кој не успеа да извози добар брз круг и заврши на 10-тото место на табелата.

Ферари има огромни проблеми со издржливоста на црвените гуми, недоволниот механички грип, па победничкиот подиум тешко да биде достапен за нивните возачи.

На асфалтот во Монте Карло лошо се покажаа болидите на Рејсинг Поинт и Вилијамс, што не е некое изненадување, но лошата форма на Рено и пласманот на нивните возачи, Нико Хулкенберг и Даниел Рикиардо, е непријатно изненадување на многубројните нивни и фанови на Францускиот тим.

Традицијата во Монте Карло налага дека следува слободен ден за Ф1 тимовите, пред продолжување на акцијата во сабота, со последната шанса за подесување на болидите на саботниот тренинг за што подобар пласман на Квалификационата сесија.

ВИДЕО РЕЗИМЕ НА ТРЕНИНГ 2 - НАСКОРО

2019 МОНАКО ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:11.118		40
2	Валтери Ботас	Мерцедес АМГ	1:11.199	+ 0.081	47
3	Себастијан Ветел	Ферари	1:11.881	+ 0.763	41
4	Пјер Гасли	Ред Бул	1:11.938	+ 0.820	38
5	Алекс Албон	Торо Росо	1:12.031	+ 0.915	50
6	Макс Верстапен	Ред Бул	1:12.052	+ 0.934	16
7	Кевин Магнусен	Хас	1:12.174	+ 1.056	53
8	Антонио Џовинаци	Алфа Ромео	1:12.239	+ 1.121	50
9	Кими Раиконен	Алфа Ромео	1:12.342	+ 1.224	50
10	Чарлс Леклер	Ферари	1:12.350	+ 1.232	41
11	Роман Грожан	Хас	1:12.392	+ 1.274	50
12	Ландо Норис	Мекларен	1:12.393	+ 1.275	26
13	Карлос Саинц ЈР.	Мекларен	1:12.419	+ 1.301	46
14	Даниел Квјат	Торо Росо	1:12.577	+ 1.459	38
15	Серџо Перез	Рејсинг Поинт	1:12.752	+ 1.634	43
16	Нико Хулкенберг	Рено	1:12.872	+ 1.754	48
17	Даниел Рикиардо	Рено	1:12.888	+ 1.770	52
18	Ленс Строл	Рејсинг Поинт	1:14.558	+ 3.440	39
19	Џорџ Расел	Вилијамс	1:15.052	+ 3.934	36
20	Роберт Кубица	Вилијамс	1:15.146	+ 4.028	44
ИСТОРИЈА - ХИБРИДНА ЕРА - МОНТЕ КАРЛО 2014 Фернандо Алонсо - Ферари - 1:18.842 2015 Луис Хамилтон - Мерцедес АМГ - 1:17.192 2016 Даниел Рикиардо - Ред Бул - 1:14.607 2017 Себастијан Ветел - Ферари - 1:12.720 2018 Даниел Рикиардо - Ред Бул - 1:11.841 2019 Луис Хамилтон - Мерцедес АМГ - 1:11.118
@МкФормула1 - Република Македонија @MkFormula1 - Republic of Macedonia