ХАМИЛТОН НАЈБРЗ, ВЕРСТАПЕН ЗАДОЦНИ 0.059 ДЕЛОВИ ОД СЕКУНДАТА

Мерцедес АМГ продолжува каде што застана минатиот пат, со Луис Хамилтон на врвот на табелата, но, Макс Верстапен со брз круг забележан во подоцнежната фаза на првиот тренинг и пласман на второто место ги раздели тимските колеги со Валтери Ботас на третото место. Тројцата возачи беа распоредени во нешто помалку од десетинка од секундата.

Како што е ред за утринската сесија, речиси сите возачи имаа свои моменти на патеката, од кои се истакнаа тие на Роберт Кубица со болидот на Вилијамс и Пјер Гасли со Ред Бул.

Како ретко досега, куриозитет беше истакнувањето на црни знамиња за возачите на Хас. Додека сите итаа кон нивната гаража или пак баравме да се потсетиме што значеше црното знаме, ФИА излезе со соопштение дека Американскиот тим имал проблеми со комуникацијата и телеметријата.

Тие пропуштија голем дел од сесијата, но успеаја да ги отстранат техничките проблеми навреме за да ги испратат своите возачи за неколку брзи кругови во последните 15-тина минути од истата.

Карлос Саинц Јр. е возачот кој помина најмалку време на патеката, откако се врати во својата гаража веднаш по подготвителниот круг поради проблеми со акумулаторите на Мекларенот, и се врати на патеката, буквално во последните три секунди од сесијата, колку само да провери дали се е во ред со болидот.

Редоследот на овие предпладневни тренинг сесии не е реален одраз на силите, повеќе е подготовка за посериозен настап на втората сесија, која денес започнува во 15:00 MK.

ВИДЕО РЕЗИМЕ НА ТРЕНИНГ 1

2019 МОНАКО ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:12.106		47
2	Макс Верстапен	Ред Бул	1:12.165	+ 0.059	35
3	Валтери Ботас	Мерцедес АМГ	1:12.178	+ 0.072	43
4	Чарлс Леклер	Ферари	1:12.467	+ 0.361	25
5	Себастијан Ветел	Ферари	1:12.823	+ 0.717	36
6	Пјер Гасли	Ред Бул	1:13.170	+ 1.064	41
7	Нико Хулкенберг	Рено	1:13.227	+ 1.121	45
8	Кевин Магнусен	Хас	1:13.232	+ 1.126	24
9	Кими Раиконен	Алфа Ромео	1:13.363	+ 1.257	39
10	Роман Грожан	Хас	1:13.379	+ 1.273	23
11	Даниел Рикиардо	Рено	1:13.415	+ 1.307	41
12	Антонио Џовинаци	Алфа Ромео	1:13.437	+ 1.331	39
13	Даниел Квјат	Торо Росо	1:13.731	+ 1.625	40
14	Алекс Албон	Торо Росо	1:13.827	+ 1.721	45
15	Ландо Норис	Мекларен	1:14.278	+ 2.172	39
16	Серџо Перез	Рејсинг Поинт	1:14.567	+ 2.460	40
17	Џорџ Расел	Вилијамс	1:15.115	+ 3.009	40
18	Роберт Кубица	Вилијамс	1:15.514	+ 3.408	24
19	Ленс Строл	Рејсинг Поинт	1:16.135	+ 4.029	37
20	Карлос Саинц ЈР.	Мекларен	1:20.670	+ 48.564	4
ИСТОРИЈА - ХИБРИДНА ЕРА - МОНТЕ КАРЛО 2014 Луис Хамилтон - Мерцедес АМГ - 1:18.271 2015 Луис Хамилтон - Мерцедес АМГ - 1:18.750 2016 Луис Хамилтон - Мерцедес АМГ - 1:15.537 2017 Луис Хамилтон - Мерцедес АМГ - 1:13.425 2018 Даниел Рикиардо - Ред Бул - 1:12.126 2019 Луис Хамилтон - Мерцедес АМГ - 1:12.106
@МкФормула1 - Република Македонија @MkFormula1 - Republic of Macedonia