МЕРЦЕДЕС АМГ СЕКУНДА ПРЕД ОСТАНАТИТЕ

Продолжува доминацијата на Мерцедес АМГ, Луис Хамилтон го забележа најбрзото време на првиот тренинг за Големата Награда на Канада, а Валтери Ботас заврши на само една десетинка од секундата зад тимскиот колега. Чарлс Леклер го имаше третото најбрзо време кое го забележа на жолтите гуми.

Повторно Мерцедес АМГ е во прв план, додека Ферари и Ред Бул заостануваат премногу. Италијанците имаа проблематична сесија, со големо блокирање на тркалата на болидот на Леклер и извртување за Себастијан Ветел.

Но, едно е сигурно, на овој тренинг тие не ги открија своите вистински адути, бидејќи се ориентираа на поставување времиња само со медиум, жолтите, гуми на Пирели.

Уште едма сесија со извртување на Роман Грожан, непосредно пред Антонио Џовинаци да заврши со својот болид во заштитниот ѕид покрај патеката за воведување на кратко ВБВ. Италијанецот ќе се надева дека нема трајно оштетување на неговиот C38.

Зад најбрзите тимови, во Топ 10 пласманот се пласираа пет различни тимови, Алфа Ромео, Мекларен, Рено, Рејсинг Поинт и Хас. Тоа укажува на многу блиска и прилично интересна битка за поминување во Q3 квалификациската сесија.

Секако ова е патека каде првиот тренинг може да даде многу погрешни индикации за формата на тимовите, со оглед на фактот што драстично ги менува своите карактеристики кога таа ќе се "гумира".

Од друга страна тоа носи дополнителен притисок на возачите да имаат добар втор тренинг, кој започнува во 20:00 часот по македонско време, интервал кога ќе се одржува и самата трка во недела.

ВИДЕО РЕЗИМЕ НА ТРЕНИНГ 1

2019 КАНАДА ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:12.767		31
2	Валтери Ботас	Мерцедес АМГ	1:12.914	+ 0.147	25
3	Чарлс Леклер	Ферари	1:13.720	+ 0.953	24
4	Макс Верстапен	Ред Бул	1:13.755	+ 0.988	26
5	Себастијан Ветел	Ферари	1:13.905	+ 1.138	28
6	Кими Раиконен	Алфа Ромео	1:13.945	+ 1.178	30
7	Карлос Саинц ЈР.	Мекларен	1:13.973	+ 1.206	34
8	Даниел Рикиардо	Рено	1:14.123	+ 1.356	31
9	Серџо Перез	Рејсинг Поинт	1:14.172	+ 1.405	31
10	Кевин Магнусен	Хас	1:14.202	+ 1.435	32
11	Ландо Норис	Мекларен	1:14.246	+ 1.479	33
12	Нико Хулкенберг	Рено	1:14.474	+ 1.707	30
13	Пјер Гасли	Ред Бул	1:14.570	+ 1.803	27
14	Антонио Џовинаци	Алфа Ромео	1:14.582	+ 1.815	17
15	Роман Грожан	Хас	1:14.645	+ 1.878	31
16	Алекс Албон	Торо Росо	1:14.703	+ 1.936	36
17	Ленс Строл	Рејсинг Поинт	1:14.812	+ 2.045	32
18	Даниел Квјат	Торо Росо	1:15.343	+ 2.576	32
19	Џорџ Расел	Вилијамс	1:15.989	+ 3.222	29
20	Николас Латифи	Вилијамс	1:16.199	+ 3.432	33
ИСТОРИЈА - ХИБРИДНА ЕРА - ЖИЛ ВИЛНЕВ 2014 Фернандо Алонсо - Ферари - 1:17.238 2015 Луис Хамилтон - Мерцедес АМГ - 1:16.212 2016 Луис Хамилтон - Мерцедес АМГ - 1:14.755 2017 Луис Хамилтон - Мерцедес АМГ - 1:13.809 2018 Макс Верстапен - Ред Бул - 1:13.302 2019 Луис Хамилтон - Мерцедес АМГ - 1:12.767
@МкФормула1 - Република Македонија @MkFormula1 - Republic of Macedonia