ЛУИС ХАМИЛТОН СО РЕКОРД НА ПАТЕКАТА ПОЛ РИКАРД

Луис Хамилтон го забележа најбрзото време, рекордно на патеката Пол Рикард, на денешните квалификации за Големата Награда на Франција. Добрата форма на Мерцедес АМГ, историска во шампионатот на Формула 1, ја потврди и Валтери Ботас, кој го комплетираше првиот стартен ред, со една десетинка побавно време од тимскиот колега.

Неколку десетинки поназад Чарлс Леклер, очекувано на третата стартна позиција. Неговиот тимски колега Себастијан Ветел, успеа да стигне само до 7-та позиција на гридот.

Макс Верстапен го имаше солидното четврто најбрзо време, додека возачите на Мекларен докажаа дека нивното темпо од тренинг сесиите било вистинито, со Ландо Норис на 5-тата и Карлос Саинц Јр. со само една десетинка поназад на шестата позиција.

Себастијан Ветел и Даниел Рикиардо ќе стартуваат еден покрај друг на 4-от стартен ред, додека Пјер Гасли и Антонио Џовинаци го комплетираа Топ 10 поредокот, но трката ќе ја стартуваат со користени, меки, гуми. Тоа може да ги направи ранливи, па Алекс Албон и Кими Раиконен зад нив, кои имаат слободен избор на гуми ќе бидат вистинска закана.

Големата Награда на Франција стартува во 15:10 часот со директен пренос на ТВ 24 Вести.

2019 ФРАНЦУСКО ГП - КВАЛИФИКАЦИИ
П.	ВОЗАЧ	ТИМ	ВРЕМЕ	РАЗЛИКА
1.	Луис Хамилтон	Мерцедес АМГ	1:28.319
2.	Валтери Ботас	Мерцедес АМГ	1:28.605	+ 0.286
3.	Чарлс Леклерк	Ферари	1:28.965	+ 0.646
4.	Макс Верстапен	Ред Бул	1:29.409	+ 1.090
5.	Ландо Норис	Мекларен	1:29.418	+ 1.099
6.	Карлос Саинц ЈР.	Мекларен	1:29.522	+ 1.203
7.	Себастијан Ветел	Ферари	1:29.799	+ 1.480
8.	Даниел Рикиардо	Рено	1:29.918	+ 1.599
9.	Пјер Гасли	Ред Бул	1:30.184	+ 1.865
10.	Антонио Џовинаци	Алфа Ромео	1:33.420	+ 5.101
Q2 Најбрзо Време: Валтери Ботас - 1:29.437
11.	Алекс Албон	Торо Росо	1:30.461	+ 1.024
12.	Кими Раиконен	Алфа Ромео	1:30.533	+ 1.096
13.	Нико Хулкенберг	Рено	1:30.544	+ 1.107
14.	Серџо Перез	Рејсинг Поинт	1:30.738	+ 1.301
15.	Кевин Магнусен	Хас	1:31.440	+ 2.003
Q1 Најбрзо Време: Валтери Ботас - 1:30.550
16.	Даниел Квјат	Торо Росо	1:31.564	+ 1.014
17.	Роман Грожан	Хас	1:31.626	+ 1.076
18.	Ленс Строл	Рејсинг Поинт	1:31.726	+ 1.176
19.	Џорџ Расел	Вилијамс	1:32.789	+ 2.239
20.	Роберт Кубица	Вилијамс	1:33.205	+ 2.655
107% време: 1:36.885
@МкФормула1 - Република Македонија @MkFormula1 - Republic of Macedonia