ВЕТЕЛ ПРВ ПОМИНА НИЗ ЦЕЛТА, СЕПАК ПОБЕДНИК Е ЛУИС ХАМИЛТОН

Себастијан Ветел прв ја помина целната линија, но, Победник на Големата Награда на Канада, е лидерот во Формула 1 Шампионатот, Луис Хамилтон. Чарлс Леклер со мирна трка на последното место на победничкиот подиум.

Германецот ја предводеше трката од самиот старт, до преминувањето на целната линија, но по казната од 5 секунди беше деградиран на второто место. Казната беше заработена на тој начин што изгуби контрола врз своето Ферари во првата шикана, излета низ тревата и речиси се судри со Хамилтон кога се врати на асфалтот.

Валтери Ботас остана далеку од акцијата на четвртото место, што беше прв пат оваа сезона да не заврши трка на победничкиот подиумот.

Финцот имаше слаби квалификации, беше шести, дополнително изгуби место на стартот од вториот Рено на Нико Хулкенберг, а потоа се мачеше да направи напредок со жолтите гуми, кога неговите непосредни ривали беа на црвените, меки гуми.

На крајот успеа да забележи поени за четвртото место и бонус поенот за најбрз круг во трката, откако изгради доволно голема разлика пред Верстапен за безбеден втор пит-стоп.

Макс Верстапен по стартот од 9-тата позиција, и долгиот прв стинт на тврдите гуми(по нас погрешна стратегиска одлука), успеа да ги претекне само возачите на Рено, Даниел Рикиардо и Нико Хулкенберг, откако се префрли на медиум за крајниот стинт.

Австралијанецот ги издржа нападите на својот тимски колега, Нико Хулкенберг за да заврши на шесто место. Пјер Гасли во вториот болид на Ред Бул финишираше на осмо место, и покрај тоа што стартуваше од 5-тата позиција, но брзиот пит-стоп го заглави во гужва на патеката.

Ленс Строл, даде се од себе и го извади максимумот од болидот на Рејсинг Поинт, на крај доволно за пласман на деветтото место и два бода на домашната трка за него. Даниел Квјат го комплетираше топ 10 пласманот и освојувачите на поени.

ВИДЕО РЕЗИМЕ НА ТРКАТA

Голема Награда на Канада, Монтреал. 68 круга, 305.270., Време: Сончево.
ПЛАСМАН:
П.	ВОЗАЧ	ТИМ	ВРЕМЕ
1.	Луис Хамилтон	Мерцедес АМГ	1ч29:07.084
2.	Себастијан Ветел	Ферари	+ 3.658
3.	Чарлс Леклер	Ферари	+ 4.696
4.	Валтери Ботас	Мерцедес АМГ	+ 51.043
5.	Макс Верстапен	Ред Бул	+ 57.655
6.	Даниел Рикиардо	Рено	+ 1 круг
7.	Нико Хулкенберг	Рено	+ 1 круг
8.	Пјер Гасли	Ред Бул	+ 1 круг
9.	Ленс Строл	Рејсинг Поинт	+ 1 круг
10.	Данил Квјат	Торо Росо	+ 1 круг
11.	Карлос Саинц ЈР.	Мекларен	+ 1 круг
12.	Серџо Перез	Рејсинг Поинт	+ 1 круг
13.	Антонио Џовинаци	Алфа Ромео	+ 1 круг
14.	Роман Грожан	Хас	+ 1 круг
15.	Кими Раиконен	Алфа Ромео	+ 1 круг
16.	Џорџ Расел	Вилијамс	+ 2 кругa
17.	Кевин Магнусен	Хас	+ 2 кругa
18.	Роберт Кубица	Вилијамс	+ 3 кругa
НАЈБРЗ КРУГ: ВАЛТЕРИ БОТАС - 1:13.078
БЕЗ ПЛАСМАН:
19.	Алекс Албон	Торо Росо	дефект
20.	Ландо Норис	Мекларен	дефект
2014 Даниел Рикиардо - Ред Бул - 1ч39:12.830 2015 Луис Хамилтон - Мерцедес AMГ - 1ч31:53.145 2016 Луис Хамилтон - Мерцедес AMГ - 1ч31:05.296 2017 Луис Хамилтон - Мерцедес AMГ - 1ч33:05.154 2018 Себастијан Ветел - Ферари - 1ч28:31.377 2019 Луис Хамилтон - Мерцедес AMГ - 1ч29:07.084 @МкФормула1 - Република Македонија @MkFormula1 - Republic of Macedonia

***ГЕНЕРАЛЕН ПЛАСМАН 7/21***
ВОЗАЧИ:
1.	Луис Хамилтон	162
2.	Валтери Ботас	133
3.	Себастијан Ветел	100
4.	Макс Верстапен	88
5.	Чарлс Леклерк	72
6.	Пјер Гасли	36
7.	Карлос Саинц ЈР.	18
8.	Даниел Рикиардо	16
9.	Кевин Магнусен	14
10.	Кими Раиконен	13
11.	Серџо Перез	13
12.	Нико Хулкенберг	12
13.	Ландо Норис	12
14.	Данил Квјат	10
15.	Алекс Албон	7
16.	Ленс Строл	6
17.	Роман Грожан	2
18.	Антонио Џовинаци	0
19.	Џорџ Расел	0
20.	Роберт Кубица	0
КОНСТРУКТОРИ:
1.	Мерцедес АМГ	315
2.	Ферари	172
3.	Ред Бул	124
4.	Мекларен	30
5.	Рено	28
6.	Рејсинг Поинт	19
7.	Торо Росо	17
8.	Хас	16
9.	Алфа Ромео	13
10.	Вилијамс	0