ШАМПИОНОТ НА ПОЛ ПОЗИЦИЈА, КОШМАРНИ КВАЛИФИКАЦИИ ЗА ФЕРАРИ

Луис Хамилтон го забележа најбрзото време за да стартува од првата позиција на утрешната Голема Награда на Германија. За Британецот ова е негова 4-та Пол Позиција за оваа 2019 сезона, една од најмалку очекуваните, но тие се најслатки. Оваа сезона среќата по кој знае кој пат е на негова страна, на начинот на кој таа не беше во 2016 сезоната.

Луис Хамилтон ќе има полни раце работа доколку со Макс Верстапен на првиот стартен ред, комбинација која досега ја немавме видео, но се тоа важи доколку Холанѓанецот успее да изведе добар старт, што не му оди баш од рака сезонава. Поназад, Леклер ќе мора да напредува од десеттата, додека Ветел ќе има уште потешка работа, со старт од последната позиција.

Германецот беше елиминиран во Q1 сесијата, без да забележи време, благодарение на проблемот со протокот на воздух до неговото турбо, додека Леклер, кој важеше за фаворит за Пол позицијата, во Q3 сесијата не можеше да забележи време поради проблеми со дотокот на гориво.

Пјер Гасли со вториот болид на Ред Бул беше четврт, со четири десетинки побавно време од својот тимски колега. Со двата болиди на Ферари во аут, својата шанса ја искористи Кими Раиконен, кој го забележа петтото најбрзо време со неверојатна предност од 0.316 делови од секундата од пренатрупаниот среден ред.

Финецот ќе стартува пред Роман Грожан, Карлос Саинц Јр., Серџо Перез и Нико Хулкенберг. Добар пласман за тимот на Хас, со влез во Q3 сесијата за прв пат од Шпанија. Французинот ќе настојува да забележи добар резултат на утрешната трка, но неговиот тим традиционално е посилен во квалификации отколку во трка, па тоа нема да биде лесна задача.

Двата возачи на Мерцедес АМГ и Чарлс Леклер ќе ја започнат трката на жолтите гуми на Пирели, додека сите останати од Топ 10 пласманот ќе мора да ги користат црвените гуми. Сепак, најавениот дожд за утре се ова може да го стави во заден план и доплнително ги замеша работите.

Големата Награда на Германија, која се вози на патеката Хокенхајм, е закажана за 15:10 часот по македонско време со дирентен пренос на ТВ 24Вести.

2019 ГЕРМАНСКО ГП - КВАЛИФИКАЦИИ
П.	ВОЗАЧ	ТИМ	ВРЕМЕ	РАЗЛИКА
1.	Луис Хамилтон	Мерцедес АМГ	1:11.767
2.	Макс Верстапен	Ред Бул	1:12.115	+ 0.346
3.	Валтери Ботас	Мерцедес АМГ	1:12.222	+ 0.362
4.	Пјер Гасли	Ред Бул	1:11.822	+ 0.755
5.	Кими Раиконен	Алфа Ромео	1:12.200	+ 0.771
6.	Роман Грожан	Хас	1:12.544	+ 1.084
7.	Карлос Саинц ЈР.	Мекларен	1:12.560	+ 1.130
8.	Серџо Перез	Рејсинг Поинт	1:12.692	+ 1.298
9.	Нико Хулкенберг	Рено	1:12.717	+ 1.359
10.	Чарлс Леклерк	Ферари	/	/
Q2 Најбрзо Време: Луис Хамилтон - 1:12.149
11.	Антонио Џовинаци	Алфа Ромео	1:12.786	+ 0.637
12.	Кевин Магнусен	Хас	1:12.789	+ 0.640
13.	Даниел Рикиардо	Рено	1:12.799	+ 0.650
14.	Даниел Квјат	Торо Росо	1:13.135	+ 0.986
15.	Ленс Строл	Рејсинг Поинт	1:13.450	+ 1.301
Q1 Најбрзо Време: Чарлс Леклер - 1:12.229
16.	Ландо Норис	Мекларен	1:13.333	+ 1.104
17.	Алекс Албон	Торо Росо	1:13.461	+ 1.232
18.	Џорџ Расел	Вилијамс	1:14.721	+ 2.492
19.	Роберт Кубица	Вилијамс	1:14.839	+ 2.610
20.	Себастијан Ветел	Ферари	/	/
107% време: 1:17.285
ВИДЕО РЕЗИМЕ @МкФормула1 - Република Македонија @MkFormula1 - Republic of Macedonia