КОМПЛЕТИРАНА ТЕСТ СЕСИЈАТА ВО БАРСЕЛОНА

На патеката Каталуња завршија двата тест дена за прототипови на гуми на Пирели, кои тимовите ќе ги добијат за следната сезона. Главна нивна карактеристика ќе биде тоа што тие ќе мора да издржат подолги стинтови, помалку да се загреваат и да им овозможат на возачите да напаѓаат од старт до финиш на трката.

Во текот на вчерашниот ден на патеката излегоа болидите на Ферари и Ред Бул, додека денес на патеката беше болидот на Мерцедес АМГ со Естебан Окон зад неговиот волан, комплетирајќи 144 круга.

За два дена, возачите на трите тимови, Себастијан Ветел за Ферари и Алекс Албон за Ред Бул, комплетираа 404 круга.

Сите тимови ќе добијат еднаква количина на информации за карактеристиките на новите гуми, со цел да ги искористат при дизајнот на нивните 2020 болиди.

We’re @Circuitcat_eng for two days of 2020 #Fit4F1 tyre testing in some distinguished company. @alex_albon gets the action underway for @redbullracing. #F1testing @F1 pic.twitter.com/7C3CmjQUbe

— Pirelli Motorsport (@pirellisport) October 7, 2019

Марио Изола, шефот на Пирели Ф1, изјави: „Комплетиравме многу кругови со трите најбрзи тимови во текот на двата тест дена, што ни овозможи да ги собереме податоците што ги посакувавме. Како резултат, сега сме во состојба да ја номинираме спецификацијата за 2020 година. Многу благодарност до сите три тимови и возачите кои учествуваа."

Од следната сезона, Формула 2 болидите ќе се префрлат на 18-инчни тркала, па, паралелно со Ф1 тестовите, во Пирели ги тестираа овие гуми на Далара шасијата, комплетирајќи 146 круга.