ЛУИС ХАМИЛТОН СО НАЈБРЗО ВРЕМЕ, ЛЕКЛЕР ДОЦНИ ДЕСЕТИНКА НА ПОТВРДАТА СМЕША

Првата тренинг сесија на патеката Браќа Родригез започна со на места влажна патека, но заврши во препознатлив стил, со Луис Хамилтон на врвот од табелата, пред Леклерк и Верстапен. За време на викендот кога тековниот Шампион може да ја обезбеди 6-тата Титула, тоа е прилично добар почеток на викендот. Но, Сребрените стрели нема да слават претерано, бидејќи се свесни дека Леклерк завршил само 0.119 делови од секундатат зад Британецот на побавната смеша на Пирели.

Што се однесува до Ред Бул, нивните кругови беа прекинати во периодот на црвено знаме, при што Верстапен исто така имаше неколку блокирања на предните тркала. Нивното вистинско темпо може да се каже дека е непознаница, додека вториот тренинг веројатно треба да ни даде подобар показател за тоа како стојат во споредба со нивните ривали.

Црвените знамиња беа последица на излетувањето на Ленс Строл во 16-от свиок, по што заврши во бариерите покрај патеката. Канаѓанецот успеа да се извлече од нив и го доведе болидот до својата гаража. Штетата беше минимална, бидејќи тоа е еден од побавните свиоци на патеката, па Строл беше во можност да се врати повторно на асфалтот пред крајот на сесијата.

Порелевантен ќе биде вториот тренинг кој започнува во 21:00 часот по Македонско време.

Може ли Мерцедес АМГ да остане на врвот, или Ферари ќе дојде до израз кога ќе се префрли на помеките, црвени, гуми на Пирели? И дали Ред Бул ќе биде вистински конкурент за врвот, како што тоа беше минатата година? Да не заборавиме и на времето, кое овој викенд ќе биде доста променливо.

2019 МЕКСИКО ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:17.327		25
2	Чарлс Леклерк	Ферари	1:17.446	+ 0.119	23
3	Макс Верстапен	Ред Бул	1:17.461	+ 0.134	17
4	Алекс Албон	Ред Бул	1:17.949	+ 0.622	21
5	Валтери Ботас	Мерцедес АМГ	1:18.005	+ 0.678	25
6	Себастијан Ветел	Ферари	1:18.218	+ 0.891	20
7	Карлос Саинц ЈР.	Мекларен	1:18.401	+ 1.074	21
8	Пјер Гасли	Торо Росо	1:18.593	+ 1.267	23
9	Даниел Квјат	Торо Росо	1:18.835	+ 1.508	27
10	Антонио Џовинаци	Алфа Ромео	1:18.959	+ 1.632	22
11	Нико Хулкенберг	Рено	1:19.011	+ 1.684	22
12	Кевин Магнусен	Хас	1:19.015	+ 1.686	22
13	Кими Раиконен	Алфа Ромео	1:19.205	+ 1.878	22
14	Ландо Норис	Мекларен	1:19.299	+ 1.972	23
15	Даниел Рикиардо	Рено	1:19.499	+ 2.172	23
16	Ленс Строл	Рејсинг Поинт	1:19.679	+ 2.352	21
17	Серџо Перез	Рејсинг Поинт	1:19.717	+ 2.390	23
18	Роман Грожан	Хас	1:19.850	+ 2.523	22
19	Џорџ Расел	Вилијамс	1:20.548	+ 3.221	26
20	Николас Латифи	Вилијамс	1:21.567	+ 4.239	30
ИСТОРИЈА - ХИБРИДНА ЕРА - БРАЌА РОДРИГЕЗ 2015 Нико Розберг - Мерцедес АМГ - 1:21.531 2016 Себастијан Ветел - Ферари - 1:19.790 2017 Даниел Рикиардо - Ред Бул - 1:17.801 2018 Макс Ферстапен - Ред Бул - 1:16.656 2019 Луис Хамилтон - Мерцедес АМГ - 1:17.327
@МкФормула1 - Република Македонија @MkFormula1 - Republic of Macedonia