СЕБАСТИЈАН ВЕТЕЛ СО НАЈБРЗО ВРЕМЕ НА ПЕТОЧНИТЕ ТРЕНИНГ СЕСИИ

Себастијан Ветел го забележа најбрзото време на петочните тренинг сесии, кое беше за десетинка побрзо од тоа на Макс Верстапен на второто место и речиси половина секунда побрзо од својот тимски колега, Чарлс Леклерк на третото место на табелата. Следуваат возачите на Мерцедес АМГ, Валтери Ботас пред Луис Хамилтон.

Заклучок на возачите е дека црвените гуми се трошат премногу брзо, додека белите немаат добар грип, па возачите се борат со болидите да останат на вистинската тркачка линија. Тоа значи дека жолтата гума можеби ќе биде најчестиот избор на утрешната Q2 квалификациона сесија.

Возачите на Ферари беа најбрзи и на жолтите гуми на почетокот од сесијата, која набрзо беше прекината по излетувањето на Алекс Албон во 7-от свиок, по што тој заврши во бариерите покрај патеката.

За разлика од Ленс Строл на утринскиот тренинг, Тајланѓанецот причини значителна штета на својот Ред Бул, па тој не беше во можност да се врати на патеката. Сесијата беше под црвено знаме 18 минути за да се овозможи расчистување на остатоците од болидот.

По рестартот, возачите на Мерцедес АМГ и Макс Верстапен имаа по уште еден обид со жолтите гуми, по што Макс Верстапен и Луис Хамилтон се најдоа на 2-то и 3-тото место во тој момент. Возачите на Ферари веднаш преминаа на црвените гуми за нивните квалификациски симулации, по што повторно се вратија на врвот на табелата.

Себастијан Ветел беше значително побрз од својот тимски колега, кој не беше во можност целосно го скроти Ферарито, по што имаше и неколку извртувања на патеката. Тоа го искористи Холанѓанецот во тимот на Ред Бул за да ги раздели болидите на Ферари.

Не беше само Моначанецот кој имаше проблеми да го скроти својот болид, тоа не им поаѓаше од рака нити на возачите на Мерцедес АМГ. Валтери Ботас, беше четврти најбрз, со заостанување од 0.614 секунди зад Ветел, но, беше за 0.349 секунди побрз од тимскиот колега, Луис Хамилтон, кој беше на петтото место.

Даниел Квјат со Торо Росо беше најбрз од останатите, завршувајќи го својот брз круг меѓу последните на патеката. Карлос Саинц Јр., и покрај излетувањето и возење низ тревата во првиот свиок, имаше сили за осмото најбрзо време, скоро две десетинки побрзо од Нико Хулкенберг со Рено. Ландо Норис го заокружи Топ 10 пласманот во вториот Мекларен.

2019 МЕКСИКО ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Себастијан Ветел	Ферари	1:16.607		35
2	Макс Верстапен	Ред Бул	1:16.722	+ 0.115	37
3	Чарлс Леклерк	Ферари	1:17.072	+ 0.465	34
4	Валтери Ботас	Мерцедес АМГ	1:17.221	+ 0.614	39
5	Луис Хамилтон	Мерцедес АМГ	1:17.570	+ 0.963	35
6	Даниел Квјат	Торо Росо	1:17.747	+ 1.140	40
7	Пјер Гасли	Торо Росо	1:18.003	+ 1.396	39
8	Карлос Саинц ЈР.	Мекларен	1:18.079	+ 1.472	38
9	Нико Хулкенберг	Рено	1:18.261	+ 1.654	23
10	Ландо Норис	Мекларен	1:18.349	+ 1.742	36
11	Ленс Строл	Рејсинг Поинт	1:18.362	+ 1.755	38
12	Серџо Перез	Рејсинг Поинт	1:18.367	+ 1.759	34
13	Даниел Рикиардо	Рено	1:18.380	+ 1.773	34
14	Кими Раиконен	Алфа Ромео	1:18.681	+ 2.074	37
15	Роман Грожан	Хас	1:18.767	+ 2.159	37
16	Антонио Џовинаци	Алфа Ромео	1:18.889	+ 2.282	46
17	Кевин Магнусен	Хас	1:19.306	+ 2.699	37
18	Џорџ Расел	Вилијамс	1:19.968	+ 3.361	36
19	Роберт Кубица	Вилијамс	1:20.180	+ 3.573	37
20	Алекс Албон	Ред Бул	1:21.665	+ 5.058	5
ХИБРИДНА ЕРА - БРАЌА РОДРИГЕЗ 2015 Макс Верстапен - Ред Бул - 1:25.990 2016 Луис Хамилтон - Мерцедес АМГ - 1:20.914 2017 Валтери Ботас - Мерцедес АМГ - 1:17.824 2018 Макс Верстапен - Ред Бул - 1:16.720 2018 Себастијан Ветел - Ферари - 1:16.607
@МкФормула1 - Република Македонија @MkFormula1 - Republic of Macedonia