ВО ИТАЛИЈА СЕ Е ПОДГОТВЕНО ЗА ПРЕЗЕНТАЦИЈАТА НА ФЕРАРИ

Во италијанскиот град Реџо Емилија, во полн ек се подготовките за претстојната презентација на новиот 2020 болид на Ферари. Веќе знаете дека настанот ќе се одржи во вторник, 11 Февруари, 18:30 часот, во општинскиот театар Ромоло Вали и ќе се емитува на Интернет.

Локалните жители, како и гостите кои се во посета на овој град, ќе можат да ја следат презентацијата на голем екран, кој ќе биде инсталиран на Плоштадот Прамполини(piazza Prampolini), што е буквално 500 метри од театарот.

Пред почетокот на презентацијата, возачите на Ферари, Себастијан Ветел и Чарлс Леклерк ќе имаат дружење со фановите и специјална сесија за автограми на плоштадот на мачениците на 7-ми Јули(piazza Martiri del 7 luglio), која ќе трае од 17:15-1:45 часот.

Во чест на претставувањето на Ферари, фонтаната со поглед на општинскиот театар, како и трите моста на Сантијаго Калтрава, ќе бидат осветлени во боите на италијанското знаме.

Во меѓувреме, од повеќе извори, кои во изминатите години се покажале како релевантни како најверојатна ознака на новиот болид се споменува SF1000, бидејќи во 2020 година болидите на Ферари ќе ја достигнат бројката од 1000 настапи на Ф1 трките.

Минатогодишната последна Ф1 трка во Абу Даби беше 991-та во историјата на тимот. Во секој случај, за само два дена ќе знаеме точно како во Маранело ќе го нарекуваат својот нов болид.

ПРЕЗЕНТАЦИИ НА БОЛИДИ
П.	ТИМ/ПЕ	ДАТА
1.	ФЕРАРИ SF1000?	11 Февруари Театар Вали, Реџо Емилија, 18:30 MK ЛИНК ЗА ФОТОГРАФИИ, ИЗВЕШТАЈ
2.	РЕНО R.S.20	12 Февруари Париз ЛИНК ЗА ФОТОГРАФИИ, ИЗВЕШТАЈ
3.	РЕД БУЛ RB16	12 Февруари Силверстоун, Веб ЛИНК ЗА ФОТОГРАФИИ, ИЗВЕШТАЈ
4.	МЕКЛАРЕН MCL35	13 Февруари Вокинг ЛИНК ЗА ФОТОГРАФИИ, ИЗВЕШТАЈ
5.	АЛФА ТАУРИ ?SAT15?	14 Февруари Салцбург ЛИНК ЗА ФОТОГРАФИИ, ИЗВЕШТАЈ
6.	МЕРЦЕДЕС АМГ W11 EQ Power+	14 Февруари Силверстоун, Веб ЛИНК ЗА ФОТОГРАФИИ, ИЗВЕШТАЈ
7.	РЕЈСИНГ ПОИНТ RP20	17 Февруари Мондси, Австрија, 14:30 MK ЛИНК ЗА ФОТОГРАФИИ, ИЗВЕШТАЈ
8.	ХАС VF-20	6 Фев. Фото/19 Фев.Болид Барселона ЛИНК ЗА ФОТОГРАФИИ, ИЗВЕШТАЈ
9.	АЛФА РОМЕО C39	19 Февруари Барселона ЛИНК ЗА ФОТОГРАФИИ, ИЗВЕШТАЈ
10.	ВИЛИЈАМС FW43	17 Фев. Фото/19 Фев.Болид Барселона ЛИНК ЗА ФОТОГРАФИИ, ИЗВЕШТАЈ
@МкФормула1 - Република Македонија