ЛУИС ХАМИЛТОН ПОСАКУВА 10 Ф1 ТИТУЛИ

На денешната прес конференција на возачите на Мерцедес АМГ, како загревање за викендот на Силверстоун, Луис Хамилтон, запрашан за тоа колку планира да остане во Формула 1, изјави дека очекува да остане уште најмалку три години.

"Ништо не може да се гарантира, но секако ќе бидам овде за следната сезона за трка со публиката. Откажувањето на сезоната поради пандемијата со коронавирусот беше негативно на многу начини, но од друга страна, оваа пауза ми овозможи да се одморам, да се фокусирам на други работи, и ми даде многу енергија."

"После многу години, ова е прв пат да доживеам таква пауза, па сега би сакал да останам подолго. Сакам да можам да настапам на ниво на кое што настапувам сега. Очигледно, во одреден момент, физичката и психолошката форма ќе ослабне."

"Не знам кога тоа ќе се случи, но не очекувам вакви промени на краток рок, во наредните две или три години."

"Секој од нас мора да заслужи да се натпреварува тука, со нашите трки и резултати. Мојата цел е да го заслужам ова што е можно подолго. Верувам дека имам уште најмалку три години ."