Ландо Норис ќе настапи на домашното Гран При, носејќи кацига со многу невообичаен дизајн, кој е дело на шестгодишно девојче Ева.
"Еве го новиот дизајн на мојата кацига за овој викенд. Фала, Ева! Таа има шест годинии и го создаде ова за мојот конкурс за дизајн и само ме потсети на времето кога бев помлад, и кога ми доаѓаја некои кул идеи. Тоа е многу оригинално. Ти благодарам што одвои време да го дизајнираш."
Кога пред почетокот на 2020 сезоната ФИА го укина ограничувањето околу промена на дизајнот на кацигите во текот на една сезоната, Ландо вети дека ќе го менува на секоја трка, организирајќи конкурси со учество на фановите. Верзијата за првата трка на Силверстоун е вистински погодок и е навистина оригинална.
