МЕКСИКАНЕЦ НА ПРВОТО МЕСТО, Ф1 ПОТВРДИ ДВЕ НОВИ ТРКИ

Розовиот Мерцедес, како што го нарекуваат болидот на Рејсинг Поинт, со Серџо Перез зад неговиот волан, беше најбрз на препладневиот тренинг на патеката Ред Бул Ринг. Мексиканецот беше една десетинка побрз од Макс Ферстапен, единствениот возач кој успеа да парира на возачите кои имаат Мерцедес ПЕ во својот болид.

Следуваа возачите на црните стрели, Валтери Ботас пред Луис Хамилтон за 0.029 делови од секундата. Ленс Строл се подобри, па го комплетираше топ 5 пласманот, во вториот болид на Рејсинг Поинт. Ферари и останата компанија стандарно во своите можности.

Алфа Ромео, каде прв пат оваа сезона се појави Роберт Кубица, ја искористија оваа сесија за собирање податоци, со тоа што болидот на Полјакот беше буквално прекриен со аеро боја. Деветтото место на Џовинаци беше премија, по нивните слаби резултати, па затоа на тимот му се потребни итни подобрувања.

Иако возачите се запознаа со патеката во текот на изминатиот викенд, некои возачи повторно имаа свои моменти. Тоа им се случуваше претежно на возачите кои се уште не се прилагодени на својот болид, па така, еден од нив беше и Себастијан Ветел, но за среќа, оваа патека не е премногу казнувачка во однос на бариерите, но високите жолти рабници се тие што досега ја правеа штетата, казнувајќи го секое невнимание.

Попладневната сесија е вообичаено порепрезентативен показател за квалификациското темпо и подобро време за комплетирање на брз круг со меките гуми на Пирели. Но, со непредвидливата времска прогноза за утре, којзнае какви услови ќе добијат возачите во сабота. Вториот тренинг за Големата Награда на Штаерска започнува во 15:00 часот по Македонско време.

Утринава, ФИА и Ф1 официјално потврдија две нови трки во 2020 календарот и тоа Тосканско на патеката Муџело и Руското Гран При.  Трката во Сочи ќе биде прва со публика!!!

Според последните неофицијални информации после Сочи ќе има три последователни трки во Хокенхајм, Имола и Портимао. Нивниот редослед, допрва ќе треба да се одлучи. Трката во Монтреал во ноември е малку веројатна. Кина е веќе откажана.

2020 ШТАЕРСКО ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Серџо Перез	Рејсинг Поинт	1:04.867		32
2	Макс Ферстапен	Ред Бул	1:04.963	+ 0.096	31
3	Валтери Ботас	Мерцедес АМГ	1:05.089	+ 0.222	30
4	Луис Хамилтон	Мерцедес АМГ	1:05.120	+ 0.253	29
5	Ленс Строл	Рејсинг Поинт	1:05.396	+ 0.529	36
6	Алекс Албон	Ред Бул	1:05.483	+ 0.616	28
7	Карлос Саинц ЈР.	Мекларен	1:05.602	+ 0.735	39
8	Пјер Гасли	АлфаТаури	1:05.698	+ 0.831	26
9	Даниел Рикиардо	Рено	1:05.769	+ 0.902	31
10	Себастијан Ветел	Ферари	1:05.770	+ 0.903	25
11	Даниел Квјат	АлфаТаури	1:05.815	+ 0.948	28
12	Чарлс Леклер	Ферари	1:05.837	+ 0.970	28
13	Естебан Окон	Рено	1:05.874	+ 1.007	35
14	Ландо Норис	Мекларен	1:05.908	+ 1.041	25
15	Кими Раиконен	Алфа Ромео	1:06.441	+ 1.574	23
16	Роман Грожан	Хас	1:06.446	+ 1.579	30
17	Џек Ајткен	Вилијамс	1:06.768	+ 1.901	35
18	Роберт Кубица	Алфа Ромео	1:06.797	+ 1.930	31
19	Николас Латифи	Вилијамс	1:09.598	+ 4.731	6
20	Кевин Магнусен	Хас	/	/	3
ИСТОРИЈА - ХИБРИДНА ЕРА - РЕД БУЛ РИНГ 2014 Нико Розберг - Мерцедес АМГ - 1:11.295 2015 Нико Розберг - Мерцедес АМГ - 1:10.401 2016 Нико Розберг - Мерцедес АМГ - 1:07.373 2017 Луис Хамилтон - Мерцедес АМГ - 1:05.975 2018 Луис Хамилтон - Мерцедес АМГ - 1:04.839 2019 Луис Хамилтон - Мерцедес АМГ - 1:04.838 2020 Луис Хамилтон - Мерцедес АМГ - 1:04.816 2020 Штаерско Гран При Серџо Перез - Рејсинг Поинт - 1:04.867 ВИДЕО РЕЗИМЕ
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA