МАКС ФЕРСТАПЕН НАЈБРЗ НА ВТОРИОТ ТРЕНИНГ, КОЈ МОЖЕ ДА БИДЕ КВАЛИФИКАЦИСКИ

Макс Ферстапен го забележа најбрзото време на попладневниот тренинг на патеката Ред Бул Ринг во Шпилберг, Австрија. Во негова близина со второто најбрзо време беше Валтери Ботас, со заостанување од само 0.043 делови од секундата. Следуваат возачите на  Рејсинг Поинт, Серџо Перез и Ленс Строл кои уште повеќе ги покажаа квалитетите на нивниот болид.

Карлос Саинц беше најбрзиот Мекларен со петтото најбрзо време, пред вториот Мерцедес на Луис Хамилтон, при што шесткратниот шампион имаше големи проблеми во контролирањето на својот болид и заврши скоро седум десетинки зад најбрзото време.

Британецот, кој беше најбрз во сите три тренинг сесии од минатиот викенд, сега неговото темпо исчезна, до тој степен тој голем дел од времето го преседе во својата гаража, додека тимот го испитуваше подесувањето на неговиот болид.

Но, со голема сигурност можеме да кажеме дека ПЕ на Мерцедес во двата болиди на црните стрели не беа пуштени на максимум, делумно поради топлото време на Ред Бул Ринг.

Во поредокот следува Алекс Албон, кој имаша повеќе извртувања на патеката, пред Ландо Норис и Чарлс Леклер, кој никако не можеше да постави време во истата секунда со Макс Ферстапен и покрај новите аеро елементи на Ферарито. Себастијан Ветел уште полош на 16тото место на табелата!!!

Британецот во редовите на Мекларен, за недела има казна од три стартни места поназад, поради претекнување за време на развеани жолти знамиња на првиот тренинг. Естебан Окон го комплетираше топ 10 поредокот на попладневниот тренинг.

Друг настан што го одбележи овој тренинг е излетувањето на Даниел Рикиардо, кој излета во пред последниот 9ти свиок и заврши во бариерите покрај патеката. Штетата на болидот беше огромна, а се активираше и безбедносниот сензор на ФИА.

Австралијанецот мораше на превентивен медициснки преглед, но од тимот потврдија дека се е во ред, и дека добил дозвола д продолжи со тркачкиот викенд. Неговите механичари ќе имаат напорна ноќ, поправајќи го неговиот болид.

Од утре временската прогноза вели дека следува значително намалување за 10 степени и потенцијално невреме со многу дожд. Па затоа покрај тоа што возачите имаа тест стинтови за одредување на тркачкото темпо и потрошувачката на гуми, истите изведоа и многу брзи кругови.

За долниот дел од табелата остануваат Вилијамс и Хас, малку над нивните перформанси, тука некаде се и Алфа Ромео и АлфаТаури. Викендот во Австрија продолжува со саботниот тренинг, од 12:00-13:00 часот, по кој следуваат Квалификаците од 15:00 часот по македонско време. Директен пренос на ТВ 24Вести.

2020 ШТАЕРСКО ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:03.660		27
2	Валтери Ботас	Мерцедес АМГ	1:03.703	+ 0.043	36
3	Серџо Перез	Рејсинг Поинт	1:03.877	+ 0.217	43
4	Ленс Строл	Рејсинг Поинт	1:04.241	+ 0.581	43
5	Карлос Саинц ЈР.	Мекларен	1:04.333	+ 0.673	44
6	Луис Хамилтон	Мерцедес АМГ	1:04.348	+ 0.688	26
7	Алекс Албон	Ред Бул	1:04.437	+ 0.777	28
8	Ландо Норис	Мекларен	1:04.541	+ 0.881	31
9	Чарлс Леклер	Ферари	1:04.706	+ 1.046	34
10	Естебан Окон	Рено	1:04.746	+ 1.086	32
11	Пјер Гасли	АлфаТаури	1:04.757	+ 1.097	36
12	Даниел Квјат	АлфаТаури	1:05.050	+ 1.390	34
13	Кими Раиконен	Алфа Ромео	1:05.152	+ 1.492	23
14	Антонио Џовинаци	Алфа Ромео	1:05.365	+ 1.705	36
15	Џорџ Расел	Вилијамс	1:05.588	+ 1.928	33
16	Себастијан Ветел	Ферари	1:05.615	+ 1.953	39
17	Никола Латифи	Вилијамс	1:05.655	+ 1.995	48
18	Кевин Магнусен	Хас	1:05.790	+ 2.130	36
19	Роман Грожан	Хас	1:06.096	+ 2.436	37
20	Даниел Рикиардо	Рено	/	/	2
ИСТОРИЈА - ХИБРИДНА ЕРА - РЕД БУЛ РИНГ 2014 Луис Хамилтон - Мерцедес АМГ - 1:09.542 2015 Себастијан Ветел - Ферари - 1:09.600 2016 Нико Розберг - Мерцедес АМГ - 1:07.967 2017 Луис Хамилтон - Мерцедес АМГ - 1:05.483 2018 Луис Хамилтон - Мерцедес АМГ - 1:04.579 2019 Чарлс Леклер - Ферари - 1:05.086 2020 Луис Хамилтон - Мерцедес АМГ - 1:04.304 2020 ШТАЕРСКО ГРАН ПРИ Макс Ферстапен - Ред Бул - 1:03.660 ВИДЕО РЕЗИМЕ
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA