Британецот уште еднаш ја демострираше моќта на Мерцедес ПЕ, која не можеше да биде "развлажнета" нити од дождот кој со различен интензитет паѓаше во текот на целата сесија.
И покрај стравувањата, дека силниот дожд ќе доведе до одложување на квалификаците, по откажувањето на денешната тренинг сесија, тоа не се случи, но тие започнаа со 46 минути закаснување од предвиденото време. Акцијата беше возможна само на сините гуми на Пирели, наменети за екстремно влажна патека.
Макс Ферстапен го имаше второто најбрзо време со големо заостанување, при својот последен брз круг се изврте во финалниот сектор, но најверојатно и да го комплетираше ќе беше за околу половина секунда побавен од Мерцедесот. Тоа беше единствениот возач кој донекаде можеше да парира на црните стрели.
Карлос Саинц ја зграби укажаната прилика за третата позиција со болидот на Мекларен, при што победникот од минатиот викенд, Валтери Ботас, заврши со четвртото најбрзо време. Финецот причината за ова лошо време ја препиша на недоволно загреаните гуми, поради прегреани сопирачки, така што тој не можел да го искористи целосниот потенцијал на својот болид.
Естебан Окон го имаше петтото најбрзо време за Рено, пред Ландо Норис, кој ќе треба да се повлече три стартни позиции поназад, поради казната добиена на вчерашната тренинг сесија и непочитување на жолтите знамиња.
Алекс Албон беше седми во вториот Ред Бул, пред Пјер Гасли со болдиот на АлфаТаури, Даниел Рикиардо и Себастијан Ветел кој го заокружи Топ 10 пласманот, на уште едни разочарувачки квалификации за Ферари.
Веднаш зад најбрзите 10 возачи, од 11тата позиција ќе стартува Чарлс Леклер со вториот болид на Ферари. Моначанецот не можеше да го подобри своето време во последни моменти од Q2 сесијата, можеби потпомогнато од ставањето на нов сет пневматици, но кога се врати на патеката дожд засили и ретко кој возач успеа да го подобри своето време.
Трката за ГН на Штаерска започнува од 15:10 часот по македонско време, со директен пренос на ТВ 24Вести.
| 2020 ШАТЕРСКО ГП - КВАЛИФИКАЦИИ | ||||
| П. | ВОЗАЧ | ТИМ | ВРЕМЕ | РАЗЛИКА |
| 1. | Луис Хамилтон | Мерцедес АМГ | 1:19.273 | |
| 2. | Макс Верстапен | Ред Бул | 1:20.489 | + 1.216 |
| 3. | Карлос Саинц ЈР. | Мекларен | 1:20.671 | + 1.398 |
| 4. | Валтери Ботас | Мерцедес АМГ | 1:20.701 | + 1.428 |
| 5. | Естебан Окон | Рено | 1:20.922 | + 1.649 |
| 6. | Ландо Норис* | Мекларен | 1:20.925 | + 1.652 |
| 7. | Алекс Албон | Ред Бул | 1:21.011 | + 1.738 |
| 8. | Пјер Гасли | АлфаТаури | 1:21.028 | + 1.755 |
| 9. | Даниел Рикиардо | Рено | 1:21.192 | + 1.919 |
| 10. | Себастијан Ветел | Ферари | 1:21.651 | + 2.378 |
* казна три позиции
Q2 Најбрзо Време: Валтери Ботас - 1:17.825 |
||||
| 11. | Чарлс Леклер* | Ферари | 1:04.206 | + 1.803 |
| 12. | Џорџ Расел | Вилијамс | 1:04.305 | + 1.811 |
| 13. | Ленс Строл | Рејсинг Поинт | 1:04.431 | + 1.820 |
| 14. | Даниел Квјат | АлфаТаури | 1:04.643 | + 1.892 |
| 15. | Кевин Магнусен | Хас | 1:04.691 | + 2.386 |
| Q1 Најбрзо Време: Луис Хамилтон - 1:18.188 | ||||
| 16. | Кими Раиконен | Алфа Ромео | 1:21.372 | + 3.184 |
| 17. | Серџо Перез | Рејсинг Поинт | 1:21.607 | + 3.419 |
| 18. | Николас Латифи | Вилијамс | 1:21.759 | + 3.571 |
| 19. | Антонио Џовинаци | Алфа Ромео | 1:21.831 | + 3.643 |
| 20. | Роман Грожан | Хас | / | / |
| 107% време: 1:23.661 | ||||
| ИСТОРИЈА - ХИБРИДНА ЕРА - РЕД БУЛ РИНГ 2014 Фелипе Маса - Вилијамс - 1:08.759 2015 Луис Хамилтон - Мерцедес АМГ - 1:08.455 2016 Луис Хамилтон - Мерцедес АМГ - 1:07.922 2017 Валтери Ботас - Мерцедес АМГ - 1:04.251 2018 Валтери Ботас - Мерцедес АМГ - 1:03.130 2019 Чарлс Леклер - Ферари - 1:03.003 2020 Валтери Ботас - Мерцедес АМГ - 1:02.939 2020 ШТАЕРСКО ГРАН ПРИ Луис Хамилтон - Мерцедес АМГ - 1:19.273 ВИДЕО РЕЗИМЕ |
||||
| @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA |
||||




