ШТО СЕ СЛУЧИ СО РОЗЕВИТЕ МЕРЦЕДЕСИ?!?

Разочарувачки квалификации за тимот на Рејсинг Поинт, кога ќе го земе во предвид нивното темпо на петочните тренинг сесии, одржани на топло и суво време. Двајцата нивни возачи не успеваа добро да го контролираат РП20 на влажниот асфалт на патеката во Шпилберг.

Серџо Перез сметаше дека не може доволно да ги загрее гумите во почетните моменти од Q1 сесијата, додека неговиот последен обид беше уништен од црвеното знаме.

Ленс Строл успеа да преживее во Q1, но се пожали на проблеми со грипот во Q2, па тоа беше крајниот дострел за него.

Временската прогноза за утре најавува сува патека, па со тоа и враќање на брзината кај розевите Мерцедеси.

Серџо Перез, П17: "Големa срамота е што се квалификуваме на 17тата позиција, бидејќи покажавме дека имаме добар потенцијал за овој викенд. Беше тешко да се донесат влажните гуми до посакуваната работна температура, но јас имав добар круг на крајот од Q1, кога ме прекина црвеното знаме."

"Што било поминало. Ние треба да ги анализираме податоците и се надеваме дека ќе разбереме зошто не бевме во можност да го искористиме потенцијалот на нашите болиди. Утре е нов ден, а целта ќе биде да се освојат што повеќе бодови."

Лeнс Строл, П13: "Бевме конкурентни во текот на Q1 и Q2, но во клучните моменти од Q2 сесијата го изгубивме грипот и едноставно пропуштивме да се пласираме во Q3. Треба да ги разгледаме причините за тоа, и да се вратиме посилни утре во трката. Знаеме дека имаме добар болид на сува патека, па можеме да напредуваме на гридот и да ја постигнеме нашата цел, пласман во поени."