ПИРЕЛИ НАЈАВУВА ИНТРИГАНТЕН ВИКЕНД

Двете петочни тренинг сесии во Унгарија беа многу различни. На утринската сесија, Луис Хамилтон, го имаше најбрзото време, на сув асфалт, но ладничко и облачно време. Попладнето, имавме дожд во изобилство, при што Себастијан Ветел беше најбрз на сините гуми на Пирели.

Најбрзото време на Хамилтон во Т1 беше забележано на белите гуми и беше побрзо од сите времиња на тренинг сесиите во Унгарија од минатата година. Неговиот тимски колега, Валтери Ботас, беше втор најбрз на жолтите гуми, а двата возачи на Мерцедес АМГ беа над половина секунда побрзи од своите најблиски конкуренти.

Временските услови остануваат неизвесни за остатокот од викендот, што денес влијаеше на начинот на користење на гумите. Иако условите во попладневните часови беа генерално премногу влажни за интермедиа гумите, голем број на возачи ги користеа за да можат да добијат дополнителен сет, согласно со прописите.

Марио Изола: "Петочните сесси беше неодредени, но викендов ветува дека ќе биде интригантен. Најверојатно, времето утре повторно ќе биде влажно, а може да видиме и влажна трка во недела."

"Како резултат на овие прогнози, многу возачи имаа минимално појавување на попладневниот тренинг со цел да ги заштедат гумите за преостанатите сесии и да ги зачуваат своите болиди во овие предизвикувачки услови."

"Видовме и одредени возачи кои излегоа на интермедиа гумите, иако временските услови не го дозволуваат тоа. Ова главно беше да се искористат предностите на прописите кои обезбедуваат дополнителен сет на интермедиа гуми во вакви околности."

"Никој точно не знае како ќе се развива овој викенд, па тимовите се обидуваат да ги земат предвид сите можни сценарија, и покрај релативно малата количина на корисни податоци што се достапни."