БИНОТО: ШТОПЕРИЦАТА НЕ ЛАЖЕ, НОВИТЕ ЕЛЕМЕНТИ НЕ ФУНКЦИОНИРААТ

Себастијан Ветел ќе го започне првото Штаерско Гран При од петтиот ред на гридот, додека Чарлс Леклер од седмиот ред. Ова беше разочарувачкиот исход на денешните квалификациите, кои се одвиваа на дождливата патека во Шпилрберг, само седум дена од првата трка во 2020 сезоната што се одржа на истото место.

Матија Биното, тимскиот шеф на Ферари, вели: "Навистина разочарувачки ден. Мора да прифатиме дека штоперката не лаже. На две квалификациски сесии, иако во различни услови, не бевме конкурентни, не само против оние кои беа наши најблиски ривали во изминатите неколку години, туку и против други, кои до вчера генерално беа зад нас."

"Работевме многу напорно за да новите аеро елементи ги донесеме порано од планираното, но тие не ја покажаа својата вредност на вистинската патека. Мора да разгледаме зошто и да ја смениме оваа состојба, што не е добра за еден тим со името на Ферари. Не смееме да не фати паника, но и не можеме да ги игнорираме фактите."