ЛАНДО НОРИС: НЕ ОЧЕКУВАВМЕ ТОЛКУ ВИСОК ПЛАСМАН

Ландо Норис на квалификациите за Големата Награда на Австрија го забележа четвртото најбрзо време, што е најдоброто достигнување на британскиот возач за време на неговата сè уште кратка кариера во Формула 1. Денес, само дуото на Мерцедес АМГ и Макс Ферстапен беа побрзи од него.

Ландо Норис, П4: "Среќен сум, ова беше мојата најдобра квалификациска позиција досега, па затоа е големо достигнување за себе, но и за тимот. Ова е најдобриот тимски резултат во последните шест години."

"Возачите на Рејсинг Поинт беа многу брзи од самиот почеток на викендот, а не ни претпоставувавме дека би можеле да се пласираме пред нив, па дури и да се приближиме до нив."

"Имаме добра стартна позиција за утре, затоа сум задоволен од тоа. Бев уверен, иако не изгледаше дека сме третиот најдобар тим. Минатата година, имавме добар настап на оваа патека, па ние сме сигурни дека таа одговара на нашиот болид. Се надевам дека и утрешната трка ќе биде успешна."