ВАЛТЕРИ БОТАС СО ИЗЛЕТУВАЊЕ ДО ПОЛ ПОЗИЦИЈАТА

Валтери Ботас ја освои првата Пол позиција во 2020 Формула 1 Шампионатот, 12та во својата кариера. Финецот забележа за само 0.012 делови од секундата побрзо време од својот тимски колега, Луис Хамилтон, на денешните квалификации за Големата Награда на Австрија.

Во својот втор брз круг, Ботас излета надвор од патеката, предизвикувајќи развејување на жолтите знамиња, но, Британецот иако ја намали разликата на една стотинка, сепак остана втор најбрз возач. Тоа беше 67ми прв стартен ред за Мерцедес АМГ

Останатите тимови беа далеку од Црните Стрели, а како победник излезе Макс Ферстапен забележувајќи време за третата стартна позиција, но со заостанување од над половина секунда.

Друштво на вториот ред ќе му прави Ландо Норис, кој со својот Мекларен успеа да го раздвои дуото на Ред Бул. Алекс Албон стигна до четвртата позиција во неговите најдобри квалификации, победувајќи ги Серџо Перез, Чарлс Леклер, Карлос Саинц Јр., Ленс Строл и Даниел Рикиардо кој го заокружи пласманот на најбрзите 10 возачи.

Себастијан Ветел не успеа да се пласира во Q3, a Ферари беше инфериорен во однос на своите лански резултати, кога Чарлс Леклер беше најбрз на тренинзите и ја освои Пол позицијата. И другите екипи со Ферари ПЕ се во пад кон дното на табелата.

Трката за ГН на Австрија започнува од 15:10 часот по македонско време, со директен пренос на ТВ 24Вести.

2020 АВСТРИЈА ГП - КВАЛИФИКАЦИИ
П.	ВОЗАЧ	ТИМ	ВРЕМЕ	РАЗЛИКА
1.	Валтери Ботас	Мерцедес АМГ	1:02.939
2.	Луис Хамилтон	Мерцедес АМГ	1:02.951	+ 0.012
3.	Макс Верстапен	Ред Бул	1:03.477	+ 0.538
4.	Ландо Норис	Мекларен	1:03.626	+ 0.687
5.	Алекс Албон	Ред Бул	1:03.868	+ 0.929
6.	Серџо Перез	Рејсинг Поинт	1:03.868	+ 0.929
7.	Чарлс Леклер	Ферари	1:03.923	+ 0.984
8.	Карлос Саинц ЈР.	Мекларен	1:03.971	+ 1.032
9.	Ленс Строл	Рејсинг Поинт	1:04.029	+ 1.090
10.	Даниел Рикиардо	Рено	1:04.239	+ 1.300
Q2 Најбрзо Време: Валтери Ботас - 1:03.015
11.	Себастијан Ветел	Ферари	1:04.206	+ 1.191
12.	Пјер Гасли	АлфаТаури	1:04.305	+ 1.290
13.	Даниел Квјат	АлфаТаури	1:04.431	+ 1.416
14.	Естебан Окон	Рено	1:04.643	+ 1.628
15.	Роман Грожан	Хас	1:04.691	+ 1.676
Q1 Најбрзо Време: Макс Верстапен - 1:04.024
16.	Кевин Магнусен	Хас	1:05.164	+ 1.140
17.	Џорџ Расел	Вилијамс	1:05.167	+ 1.143
18.	Антонио Џовинаци	Алфа Ромео	1:05.175	+ 1.151
19.	Кими Раиконен	Алфа Ромео	1:05.224	+ 1.200
20.	Николас Латифи	Вилијамс	1:05.757	+ 1.733
107% време: 1:08.505
ИСТОРИЈА - ХИБРИДНА ЕРА - РЕД БУЛ РИНГ 2014 Фелипе Маса - Вилијамс - 1:08.759 2015 Луис Хамилтон - Мерцедес АМГ - 1:08.455 2016 Луис Хамилтон - Мерцедес АМГ - 1:07.922 2017 Валтери Ботас - Мерцедес АМГ - 1:04.251 2018 Валтери Ботас - Мерцедес АМГ - 1:03.130 2019 Чарлс Леклер - Ферари - 1:03.003 2020 Валтери Ботас - Мерцедес АМГ - 1:02.939 ВИДЕО РЕЗИМЕ
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA