ЛУИС ХАМИЛТОН ПОБЕДНИК НА ПРВОТО ШТАЕРСКО ГРАН ПРИ

Луис Хамилтон е Победник на Големата Награда на Штаерска, пред неговиот тимски колега, Валтери Ботас, и Макс Ферстапен со болидот на Ред Бул.

Денес имавме контролирана трка од страна на Британецот, во споредба со минатиот викенд исполнет со инциденти и драматичен финиш на Австриското ГП. Валтери Ботас мораше да се потруди со Макс Ферстапен за второто место, но моќта на Мерцедес ПЕ не може да се мери со Хондата во болидот на Ред Бул.

Зад Ферстапен, во последниот круг возбудливо финале имавме помеѓу Алекс Албон, кој финишираше пред Мекларенот на Ландо Норис, кој го претекна Серџо Перез во претпоследниот свиок во последниот круг, откако Мексиканецот претрпе оштетување на предното крило по контакт со Албон.

Перез со крајни напори успеа да го задржи шестото место, пред тимскиот колега Ленс Строл на седмото место, кој што со подобра стратегија и гуми успеа да го претекне Даниел Рикиардо, исто така во последните моменти од трката,

Стартерот од третата позиција имаше фрустрирачки ден и на крај беше деветти, земајќи го дополнителниот поен за најбрз круг, додека Даниел Квјат со Алфатаури го заокружи пласманот на освојувачи на бодови.

На стартот од трката водечките болиди немаа проблеми низ првите свиоци, но, назад на гридот, двајцата возачи на Ферари имаа меѓусебен контакт. Ферарито на Леклерк заврши во задното крило на Ветел, кое целосно беше уништено.

Тоа беше крај за трката на Германецот, а на патеката излезе безбедносниот автомобил, за да се исчистат остатоците. Двата болиди на Ферари се упатија кон своите гаражи, но по инспекцијата на болидот од Моначанецот, беше утврдено дека е небезбедно да се продолжи и неговата трка.

Леклер, ја прифати вината за инцидентот и ја припиша на неговата преголема желба да напредува што повеќе веднаш на стартот. Естебан Окон беше единствениот друг возач кој предвреме ја заврши трката, поради проблеми со ладењето.

2020 ШТАЕРСКО ГРАН ПРИ - РЕД БУЛ РИНГ 71 круга,; 306.452км., Време: Сончево
ПЛАСМАН:
П.	ВОЗАЧ	ТИМ	ВРЕМЕ
1.	Луис Хамилтон	Мерцедес АМГ	1ч22:50.683
2.	Валтери Ботас	Мерцедес АМГ	+ 13.719
3.	Макс Ферстапен	Ред Бул	+ 33.698
4.	Алекс Албон	Ред Бул	+ 44.400
5.	Ландо Норис	Мекларен	+ 1:01.470
6.	Серџо Перез	Рејсинг Поинт	+ 1:02.387
7.	Ленс Строл	Рејсинг Поинт	+ 1:02.453
8.	Даниел Рикиардо	Рено	+ 1:02.591
9.	Карлос Саинц ЈР.	Мекларен	+ 1 круг
10.	Даниел Квјат	АлфаТаури	+ 1 круг
11.	Кими Раиконен	Алфа Ромео	+ 1 круг
12.	Антонио Џовинаци	Алфа Ромео	+ 1 круг
13.	Роман Грожан	Хас	+ 1 круг
14.	Кевин Магнусен	Хас	+ 1 круг
15.	Пјер Гасли	АлфаТаури	+ 1 круг
16.	Џорџ Расел	Вилијамс	+ 1 круг
17.	Николас Латифи	Вилијамс	+ 2 круга
НАЈБРЗ КРУГ: КАРЛОС САИНЦ ЈР. - 1:05.619
БЕЗ ПЛАСМАН:
18.	Естебан Окон	Рено	дефект
19.	Чарлс Леклер	Ферари	судир
20.	Себастијан Ветел	Ферари	судир
ХИБРИДНА ЕРА - РЕД БУЛ РИНГ 2014 Нико Розберг - Мерцедес АМГ - 1:27:54.976 2015 Нико Розберг - Мерцедес АМГ - 1:30:16.930 2016 Луис Хамилтон - Мерцедес АМГ - 1:27:38.107 2017 Валтери Ботас - Мерцедес АМГ - 1:21:48.523 2018 Себастијан Ветел - Ферари - 1:29:33.283 2019 Валтери Ботас - Мерцедес АМГ - 1:25:27.325 2020 Валтери Ботас - Мерцедес АМГ - 1:30:55.739 2020 ШТАЕРСКО ГРАН ПРИ Луис Хамилтон - Мерцедес АМГ - 1:22:50.683 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA

***ГЕНЕРАЛЕН ПЛАСМАН 02/??***
ВОЗАЧИ:
1.	Валтери Ботас	43
2.	Луис Хамилтон	37
3.	Ландо Норис	26
4.	Чарлс Леклер	18
5.	Серџо Перез	16
6.	Макс Ферстапен	15
7.	Карлос Саинц ЈР.	13
8.	Алекс Албон	12
9.	Пјер Гасли	6
10.	Ленс Строл	6
11.	Естебан Окон	4
12.	Даниел Рикиардо	4
13.	Антонио Џовинаци	2
14.	Даниел Квјат	1
15.	Себастијан Ветел	1
16.	Николас Латифи	0
17.	Кими Раиконен	0
18.	Кевин Магнусен	0
19.	Роман Грожан	0
20.	Џорџ Расел	0
КОНСТРУКТОРИ:
1.	Мерцедес АМГ	80
2.	Мекларен	39
3.	Ред Бул	27
4.	Рејсинг Поинт	22
5.	Ферари	19
6.	Рено	8
7.	АлфаТаури	7
8.	Алфа Ромео	2
9.	Вилијамс	0
10.	Хас	0