ПИРЕЛИ: НАЈДОБРА СТРАТЕГИЈА ЗА ТРКАТА

Возачот на Мерцедес АМГ, Валтери Ботас, го забележа најбрзото време на вчерашните квалификации и со тоа си обезбеди старт од првата позиција за денешната трка за Големата Награда на Австрија, која се вози на патеката Ред Бул Ринг.

Финецот како награда од Пирели доби уникатна гума обоена со боите на виножитото, која што ја симболизира борбата против Ковид-19 и промовирање на инклузивност што е клучна порака на Формула 1.

Најбрзата стратегија за Големата Награда на Австрија, која се состои од 71 круг е едно застанување во бокс, и тоа старт на црвените гуми со стинт од 24 до 28 круга, а потоа следува завршен стинт на белите гуми.

Девет возачи од Топ 10 пласманот ја избраа оваа стратегија, забележувајќи го своето најбрзо време во Q2 сесијата на црвените гуми.

Единствено Макс Ферстапен се реши за старт на жолтите гуми, но во зависност од временските прилики, би требало да видиме уште многу возачи надвор од Топ 10 пласманот, да ги имаат како свој избор за старт на трката. Минатогодишниот победник во Австрија ќе стартува од третата позиција на гридот.

Втората стратегија, која е многу блиска во однос на темпото, е старт на жолтите гуми со стинт од 27-32 круга, за потоа да следува подолг завршен стинт на белите гуми. Оваа стратегија им се гледа како добитна во тимот на Ред Бул и нуди поголема флексибилнот.

Втората најбрза стратегија е да се започне на црвени гуми со првичен стинт од 30-34 круга, потоа да се оди на жолтите гуми до самиот финиш на трката.

Стратегија со две застанувања во бокс е дефинитивно многу побавна варијанта и треба да се избегнува, освен ако околностите на трката не ја направат неизбежна. Таа би се одвивала според следниот редослед: два стинта од по 16-18 круга на црвени гуми, а потоа завршеток на трката или на жолти или на бели гуми, се во зависност од тоа како стојат работите на патеката.

Друг фактор може да бидат налетите на ветер, кои предизвика неколку инциденти со последица црвено знаме(во трка тоа би значело излегување на БВ), за време на вчерашните тренинг сесии, и тоа е нешто на што возачите ќе треба да внимаваат.

Марио Изола, Пирели: "Времето за Пол позиција на Ботас го подобри рекордот на патеката Ред Бул Ринг, подвлекувајќи дека болидите еволуираа, додека годинашната палета на нашите гуми останува иста како и 2019 година."

"Најинтересен стратешки момент од квалификациите беше одлуката на Ферстапен за старт на трката на жолти гуми, и која треба да му овозможи да испланира пофлексибилна стратегија. Потенцијално подолг прв стинт од неговите ривали. Ова би можело да биде клучно за исходот од трката."

"Како што се очекуваше со краток круг и мали разлики помеѓу возачите, од почеток до крај на квалификациите се користеше претежно најмеката смеша, т.е. црвените гуми. Секој тим требаше да биде сигурен дека го извлекол максимумот од своите болиди, со оглед на тоа колку мали беа разликите. Но, на трката, сите три смеши може да одиграат важна улога."

2020 АВСТРИЈА ГП - СТАРТЕН РЕДОСЛЕД
1. ВАЛТЕРИ БОТАС - МЕРЦЕДЕС АМГ
	2. МАКС ВЕРСТАПЕН - РЕД БУЛ
3. ЛАНДО НОРИС - МЕКЛАРЕН
	4. АЛЕКС АЛБОН - РЕД БУЛ
5. ЛУИС ХАМИЛТОН - МЕРЦЕДЕС АМГ*
	6. СЕРЏО ПЕРЕЗ - РЕЈСИНГ ПОИНТ
7. ЧАРЛС ЛЕКЛЕР - ФЕРАРИ
	8. КАРЛОС САИНЦ ЈР. - МЕКЛАРЕН
9. ЛЕНС СТРОЛ - РЕЈСИНГ ПОИНТ
	10. ДАНИЕЛ РИКИАРДО - РЕНО
11. СЕБАСТИЈАН ВЕТЕЛ - ФЕРАРИ
	12. ПЈЕР ГАСЛИ - АЛФАТАУРИ
13. ДАНИЕЛ КВЈАТ - АЛФАТАУРИ
	14. ЕСТЕБАН ОКОН - РЕНО
15. РОМАН ГРОЖАН - ХАС
	16. КЕВИН МАГНУСЕН - ХАС
17. ЏОРЏ РАСЕЛ - ВИЛИЈАМС
	18. АНТОНИО ЏОВИНАЦИ - АЛФА РОМЕО
19. КИМИ РАИКОНЕН - АЛФА РОМЕО
	20. НИКОЛАС ЛАТИФИ - ВИЛИЈАМС
*казна од 3 места поназад @МкФормула1 - РЕПУБЛИКА МАКЕДОНИА @MkFormula1 - REPUBLIC OF MACEDONIA