По минување на целната линија, првите тројца возачи ќе треба значително да забават по излегувањето од првиот круг за да ги остават останатите возали што побрзо да поминат покрај нив и потоа ќе се упатата кон стартно-целната линија. Тие ќе се паркираат пред таблите означени за 1,2,3 место веднаш по завршување на т.н. "CollDown" круг, додека останатите возачи ќе се упатат кон пит линијата.
Во областа каде што возачите ќе излегуваат од своите болиди нема да биде дозволен пристап на никого, освен тимските механичари, со вентилатори за ладење доколку е потребно, официјални лица на ФИА, телевизиски екипи и тројца фотографи, сите одобрени од ФИА.
На патеката ќе биде изнесена портабл вага, за мерење на возачите по финишот, а вода, заштитни маски и пешкири ќе бидат испорачани на "далечински управувана количка".
Интервју по завршувањето на трката ќе го спроведе Џенсон Батон. За да се одржи социјалната дистанца, бројот на лица присутни на церемонијата за доделување на пехарите ќе биде ограничен.
Скалилата од Победничкиот подиумот ќе бидат одделени на гридот за да можат возачите да одржуваат безбедно растојание. После интонирањето на химните со прикажување на виртуелни знамињана, пехарите на возачите ќе бидат доделени без присуство на официјални гости од земјата домаќин.
На крајот од церемонијата на доделување на наградите, победникот и останатите возачи ќе можат да се прскаат со шампањ.
