МАКС ФЕРСТАПЕН НАЈБРЗ НА СИЛВЕРСТОУН

Петочните тренинг сесии на Силверстоун ќе се одвиваат на многу жешко време кое тимовите ги ограничи во можноста за собирање релевантни податоци, бидејќи за утре и недела се прогнозира 10 степени постудено време.

Со оглед на тековните услови и блискоста на нивните фабрики, повеќето тимови подготвија нови елементи за своите болиди и ја искористија можноста да ги тестираат во пракса.

Во последен момент на патеката дебитираше Нико Хулкенберг, кој ќе биде замена заСерџо Перез, кој вчера беше позитивен на коронавирусот. Германецот, по минатогодишниот раскин со Рено, реално пропушти само три трки, па затоа беше прв избор на тимот на Рејсинг Поинт.

Себастијан Ветел ја загуби неговата прва тренинг сесија. По неколкуте инсталациски круга, инженерите забележале проблеми со податоците од интеркулерот, па неговиот болид беше расклопен до последен детал.

Лош прв тренинг и за возачите на Алфа Ромео, кои во рок од една минута имаа излетување во чакалот покрај патеката, притоа уништувајќи по еден сет на бели пневматици.

Вториот слободен тренинг кој треба да ни донесе многу порелевантни времиња како показател за перформансите на болидите ќе започне во 16:00 часот по македонско време.

2020 БРИТАНСКО ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:27.422		27
2	Луис Хамилтон	Мерцедес АМГ	1:27.896	+ 0.474	26
3	Ленс Строл	Рејсинг Поинт	1:28.004	+ 0.582	22
4	Алекс Албон	Ред Бул	1:28.129	+ 0.707	23
5	Чарлс Леклерк	Ферари	1:28.221	+ 0.799	21
6	Валтери Ботас	Мерцедес АМГ	1:28.519	+ 1.097	28
7	Естебан Окон	Рено	1:28.559	+ 1.137	25
8	Даниел Рикиардо	Рено	1:28.575	+ 1.153	22
9	Нико Хулкенберг	Рејсинг Поинт	1:28.592	+ 1.170	22
10	Даниел Квјат	АлфаТаури	1:28.868	+ 1.446	21
11	Пјер Гасли	АлфаТаури	1:28.909	+ 1.487	24
12	Карлос Саинц ЈР.	Мекларен	1:28.988	+ 1.567	23
13	Ландо Норис	Мекларен	1:28.990	+ 1.568	21
14	Кевин Магнусен	Хас	1:29.532	+ 2.110	22
15	Роман Грожан	Хас	1:29.576	+ 2.154	24
16	Кими Раиконен	Алфа Ромео	1:29.746	+ 2.324	23
17	Џорџ Расел	Вилијамс	1:29.899	+ 2.477	22
18	Антонио Џовинаци	Алфа Ромео	1:30.925	+ 2.503	16
19	Николас Латифи	Вилијамс	1:30.703	+ 3.281	19
20	Себастијан Ветел	Ферари	/	/	2
ВИДЕО РЕЗИМЕ - Т1 ХИБРИДНА ЕРА - СИЛВЕРСТОУН 2014 Луис Хамилтон - Мерцедес АМГ - 1:34.508 2015 Нико Розберг - Мерцедес АМГ - 1:34.155 2016 Луис Хамилтон - Мерцедес АМГ - 1:31.660 2017 Валтери Ботас - Мерцедес АМГ - 1:29.106 2018 Луис Хамилтон - Мерцедес АМГ - 1:27.487 2019 Пјер Гасли - Ред Бул - 1:27.173 2020 Макс Ферстапен - Ред Бул - 1:27.422
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA