РОЗЕВИОТ МЕРЦЕДЕС СО НАЈБРЗО ВРЕМЕ И НОВ ВОЗАЧ

Ленс Строл со розевиот Мерцедес го забележа најбрзото време на невообичаените петочни тренинг сесии. Повторно ќе напоменеме дека тие се одвиваа на многу жешко време кое тимовите ги ограничи во можноста за собирање релевантни податоци, бидејќи за утре и недела се прогнозираат за 10 степени пониски температури, но тоа не ги спречи да тестираат нови елементи за своите болиди.

Ферари го реши проблемот со интеркулерот, поради што Себастијан Ветел ја пропушти првата тренинг сесија, па Германецот беше еден од првите што излезе на асфалтот, но набргу се врати во својата гаража. Сега имаше проблем со педалите, па болидот повторно беше демонтиран, сега неговиот преден дел, за да се отстрани проблемот.

По изминати 45-та минути од сесијата имавме црвено знаме по излетувањето на Алекс Албон, кој заврши во заштитните бариери покрај патеката. Алекс самостојно излезе од болидот, но мораше на медицински преглед, откако беше активиран сензорот за преоптоварување. Потребни беа 10 минути да се изнесе болидот од патеката.

По завршувањето на сесијата, Николас Латифи имаше излетување на враќање кон боксевите, но без поголеми штети по неговиот болид. Повторно ќе напоменеме, денешните резултатите не може да се сметаат за репрезентативни, а многу возачи се фокусираа и на долги стинтови.

Возачите на Мерцедес АМГ не забележаа брзи круга, додека тој на Макс Ферстапен беше уништен од Роман Грожан. Интересен факт е што возачите денес имаа само една шанса за брз круг со црвените гуми на Пирели, кои за вториот веќе не беа на потребното ниво.

Нешто повеќе околу перформансите на тимовите ќе дознаеме утре на саботниот тренинг во 12:00 МК, додека Квалификациите кои се закажани за 15:00 МК ќе го потврдат конечниот поредок на Силверстоун.

2020 БРИТАНСКО ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Ленс Строл	Рејсинг Поинт	1:27.274		28
2	Алекс Албон	Ред Бул	1:27.364	+ 0.090	13
3	Валтери Ботас	Мерцедес АМГ	1:27.431	+ 0.157	30
4	Чарлс Леклерк	Ферари	1:27.570	+ 0.296	30
5	Луис Хамилтон	Мерцедес АМГ	1:27.581	+ 0.307	27
6	Карлос Саинц ЈР.	Мекларен	1:27.820	+ 0.546	35
7	Нико Хулкенберг	Рејсинг Поинт	1:27.910	+ 0.636	28
8	Пјер Гасли	АлфаТаури	1:27.997	+ 0.723	30
9	Даниел Рикиардо	Рено	1:28.112	+ 0.838	29
10	Кими Раиконен	Алфа Ромео	1:28.159	+ 0.885	35
11	Ландо Норис	Мекларен	1:28.169	+ 0.895	26
12	Естебан Окон	Рено	1:28.219	+ 0.945	34
13	Антонио Џовинаци	Алфа Ромео	1:28.256	+ 0.982	31
14	Макс Ферстапен	Ред Бул	1:28.390	+ 1.116	22
15	Даниел Квјат	АлфаТаури	1:28.426	+ 1.152	29
16	Роман Грожан	Хас	1:28.564	+ 1.290	27
17	Џорџ Расел	Вилијамс	1:28.771	+ 1.497	25
18	Себастијан Ветел	Ферари	1:28.860	+ 1.586	23
19	Кевин Магнусен	Хас	1:28.898	+ 1.624	27
20	Николас Латифи	Вилијамс	1:29.958	+ 2.684	34
ВИДЕО РЕЗИМЕ - ТРЕНИНГ 2 ХИБРИДНА ЕРА - СИЛВЕРСТОУН 2014 Нико Розберг - Мерцедес АМГ - 1:35.424 2015 Нико Розберг - Мерцедес АМГ - 1:34.274 2016 Луис Хамилтон - Мерцедес АМГ - 1:31.654 2017 Валтери Ботас - Мерцедес АМГ - 1:28.496 2018 Себастијан Ветел - Ферари - 1:27.552 2019 Валтери Ботас - Мерцедес АМГ - 1:26.732 2020 Ленс Строл - Рејсинг поинт - 1:27.274
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA