РЕД БУЛ И РЕНО НА ВРВОТ НА ПОПЛАДНЕВНИОТ ТРЕНИНГ

Макс Ферстапен е единствениот возач кој што може да пружи отпор, каков-таков, на Мерцедес АМГ во оваа единствена во историјата на Формула 1 Шампионатите 2020 сезона. Барем на тренинг сесиите.

Холанѓанецот го имаше најбрзото време на денешните тренинг сесии, за 0.048 делови од секундата пред извонредниот болид на Рено со Даниел Рикиардо.

Сепак, како што најави Кристијан Хорнер, Луис Хамилтон, кој беше трет најбрз, имал грешка во неговиот брз круг, па очекува дека возачите на овој тим имаат најмалку уште 0.5 секунди во залиха.

Може ли некој да ги спречи да го обезбедат првиот ред на гридот на утрешните квалификации? За одговорот на ова прашање ќе ни помогне саботниот тренинг, пред одлучувачката квалификациска сесија која е на програмата утре од 15:00 часот. Директен пренос на Телевизија 24 Вести.

Пред почетокот на втората тренинг сесија, падна слаб дожд, патеката постепено се исуши и возачите не брзаа да излезат на патеката, чекајќи да се подобри состојбата на асфалтот.

Петнаесет минути подоцна, Џовинаци и Раиконен со болидите на Алфа Ромео беа првите што излегоа на асфалтот, за потоа да се приклучат и останатите. Грожан и Магнусен го пропуштија првиот тренинг и значителен дел од вториот заради проблеми со Ферари ПЕ. Механичарите на Хас успеаа да ги сервисираат двата болиди еден час по почетокот на сесијата.

Од возачите кои имаа проблеми, тука се Ландо Норис кој во еден момент ја изгуби моќта на Рено ПЕ во својот Мекларен, полека се врати во својата гаража, но по краткиот преглед повторно излезе на патеката.

На 20тина минути до крајот на сесијата, Даниел Рикиардо го паркираше својот болид покрај патеката, по наредбата од својот тркачки инженер, која ја доби преку тимското радио. Причина - проблеми со притисокот во хидрауличниот систем. За време на изнесувањето на неговиот болид следуваше краток период на Виртуелниот Безбедносен Автомобил.

Возачите на Ферари немаа некои проблеми со однесувањето на SF1000, но нивните времиња беа доволни за долниот дел од табелата со Чарлс Леклер на 15-то и Себастијан Ветел на 17-тото место, Моначанецот имаше заостанување од скоро 1.7 секунди, додека Германецот беше близу две секунди зад најбрзото време на патеката каде што го минатата година беа на Пол позицијата.

2020 БЕЛГИСКО ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:43.744		21
2	Даниел Рикиардо	Рено	1:43.792	+ 0.048	12
3	Луис Хамилтон	Мерцедес АМГ	1:43.840	+ 0.096	23
4	Алекс Албон	Ред Бул	1:44.134	+ 0.390	21
5	Серџо Перез	Рејсинг Поинт	1:44.137	+ 0.393	23
6	Валтери Ботас	Мерцедес АМГ	1:44.162	+ 0.418	27
7	Ландо Норис	Мекларен	1:44.168	+ 0.424	22
8	Естебан Окон	Рено	1:44.208	+ 0.464	23
9	Карлос Саинц Јр.	Мекларен	1:44.474	+ 0.730	23
10	Пјер Гасли	АлфаТаури	1:44.600	+ 0.856	27
11	Ленс Строл	Рејсинг Поинт	1:44.678	+ 0.934	23
12	Даниел Квјат	АлфаТаури	1:44.826	+ 1.082	26
13	Антонио Џовинаци	Алфа Ромео	1:44.861	+ 1.117	29
14	Кими Раиконен	Алфа Ромео	1:44.896	+ 1.152	23
15	Чарлс Леклер	Ферари	1:45.440	+ 1.696	19
16	Џорџ Расел	Вилијамс	1:45.463	+ 1.719	25
17	Себастијан Ветел	Ферари	1:45.683	+ 1.939	21
18	Николас Латифи	Вилијамс	1:45.774	+ 2.030	26
19	Роман Грожан	Хас	1:45.834	+ 2.090	12
20	Кевин Магнусен	Хас	1:46.242	+ 2.498	12
ХИБРИДНА ЕРА - СПА ФРАНКОРШАМП 2014 Луис Хамилтон - Мерцедес АМГ - 1:49.189 2015 Нико Розберг - Мерцедес АМГ - 1:49.385 2016 Макс Верстапен - Ред Бул - 1:48.085 2017 Луис Хамилтон - Мерцедес АМГ - 1:44.753 2018 Кими Раиконен - Ферари - 1:43.355 2019 Чарлс Леклер - Ферари - 1:44.123 2020 Макс Ферстапен - Ред Бул - 1:43.744
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA