ВАЛТЕРИ БОТАС ШАМПИОН НА ПРВИТЕ ТРЕНИНГ СЕСИИ

Како што се очекуваше на патека каде што освен Мерцедес АМГ никој друг тим нема забележано Победа, Валтери Ботас беше најбрз на првиот тренинг за ГН на Русија, но тимот немаше 1-2 пласман. Финецот сесијата ја заврши со половина секунда пред Даниел Рикиардо со Рено, додека Макс Ферстапен заостана дополнителна десетинка на третото место. Што се однесува до Хамилтон, тој заврши на 19-тото место.

Прв кој ја прекина и онака малата акција на патеката за време на првиот тренинг беше Карлос Саинц Јр., кој изгуби контрола врз задниот дел на својот Мекларен и тоа во седмиот свиок по што заврши во бариерите. По развеаното двојно жолто знаме, Шпанецот успеа да дојде до својата гаража, но оставајќи значителен број остатоци на асфалтот, по што следеше период на Виртуелен Безбедносен Автомобил.

Кога тренингот беше рестатиран на патеката излезе Луис Хамилтон на белите гуми, но веднаш по инсталацискиот круг неговите предни тркала блокираа, по што тој сет на гуми беше уништен. Возачите имаат само 2 сета од најтврдата смеша на располагање за целиот викенд!!!

Повеќето возачи чекаа на што подобро "гумирање" на патеката, па акцијата се одвиваше при крајот на тренингот, но таа повторно беше стопирана по излетувањето на Николас Латифи кој заврши во бариерите покрај 10-от свиок. Беше развеано црвеното знаме, додека Канаѓанецот однесен на превентивен медицински преглед, поради активирање на Г-сензорот во неговиот Вилијамс.

Претпладневниот тренинг не беше од некоја помош, па секако порелевантни податоци ќе се очекуваат за време ан вториот тренинг кој започнува во 14:00 часот по Македонско време.

2020 РУСИЈА ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:34.923		13
2	Даниел Рикиардо	Рено	1:35.430	+ 0.507	22
3	Макс Ферстапен	Ред Бул	1:35.577	+ 0.654	22
4	Серџо Перез	Рејсинг Поинт	1:35.796	+ 0.873	23
5	Ленс Строл	Рејсинг Поинт	1:35.965	+ 1.042	21
6	Естебан Окон	Рено	1:36.061	+ 1.138	23
7	Даниел Квјат	АлфаТаури	1:36.230	+ 1.307	22
8	Алекс Албон	Ред Бул	1:36.254	+ 1.331	24
9	Себастијан Ветел	Ферари	1:36.323	+ 1.400	23
10	Пјер Гасли	АлфаТаури	1:36.706	+ 1.783	25
11	Чарлс Леклер	Ферари	1:36.896	+ 1.973	23
12	Карлос Саинц Јр.	Мекларен	1:36.970	+ 2.047	8
13	Ландо Норис	Мекларен	1:37.110	+ 2.187	28
14	Антонио Џовинаци	Алфа Ромео	1:37.201	+ 2.278	17
15	Кими Раиконен	Алфа Ромео	1:37.230	+ 2.307	23
16	Кевин Магнусен	Хас	1:37.430	+ 2.507	22
17	Џорџ Расел	Вилијамс	1:37.595	+ 2.672	24
18	Роман Грожан	Хас	1:37.649	+ 2.726	24
19	Луис Хамилтон	Мерцедес АМГ	1:37.716	+ 2.793	18
20	Николас Латифи	Вилијамс	1:37.784	+ 2.861	11
ХИБРИДНА ЕРА - СОЧИ 2014 Нико Розберг - Мерцедес АМГ - 1:42.311 2015 Нико Хулкенберг - Форс Индија - 1:44.355 2016 Нико Розберг - Мерцедес АМГ - 1:32.294 2017 Кими Раиконен - Ферари - 1:36.074 2018 Себастијан Ветел - Ферари - 1:34.488 2019 Чарлс Леклер - Ферари - 1:34.462 2020 Валтери Ботас - Мерцедес АМГ - 1:34.923
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA