ЗАВРШИ ПОСТОТ ЗА ВАЛТЕРИ БОТАС, СТЈУАРДИТЕ ПРОТИВ ХАМИЛТОН

Тимот на Мерцедес АМГ го задржа својот перфектен скор на Руското Гран При, но наместо рекордна победа за Луис Хамилтон, неговиот тимски колега, Валтери Ботас ја забележа неговата 9-та Победа во кариерата. Макс Ферстапен финишираше на второто место, откако Луис Хамилтон мораше да одработи две казни од по 5 секунди за вежбање на старт процедурата на недозволени места на пат кон гридот.

Случувањата кои имаа влијание за крајниот исход на трката започнаа уште пред почетокот на истата. Луис Хамилтон беше под истрага на стјуардите кои приметиле дека Британецот во два наврати ја вежба стартната процедура надвор од назначената област, и за време на трката го казнија со две казни од по дополнителни 5 секунди.

По гаснењето на црвените светла, Луис Хамилтон успеа да го задржи водството по првите два свиоци, додека Валтери Ботас од третата позиција лесно го "прелета" Макс Ферстапен, но, како и секогаш, немаше храброст да го нападне Хамилтон при вториот свиок.

Подолу на гридот Естебан Окон го престигна Даниел Рикиардо. Во средината е секогаш густо, па така, прво Карлос Саинц Јр. имаше излетување, по што следуваше почетничка грешка и судир во незгодно поставената заштитна ограда при враќање назад на патеката. Тој ја уништи предната лева амортизација, по што трката за него беше завршена.

Неколку моменти подоцна Чарлс Леклер и Ленс Строл имаа судир тркало со тркало, по што подебелиот крај го извлече Канаѓанецот, кој се изврте при влез во четвртиот свиок и заврши во бариерите покрај патеката.

Следуваше период на безбедносниот автомобил, при кој Топ 10 поредокот беше Хамилтон, Ботас, Ферстапен, Окон, Рикиардо, Перез, Гасли, Леклер, Магнусен, Грожан.

Расел, Албон и Норис возеа над остатоците расфрлани по патеката, па превентивно се решија за посета на своите механичари и промена на гуми, префрлувајќи се на белите. На болидот на Ландо Норис, имаше застој со задното лево тркало. Трката беше рестартирана со шестиот круг, по што немаше поголеми промени во поредокот, а Хамилтон го задржа водството.

Промената во водството имавме во 17-от круг, кога водечкиот се упати кон боксот за промена на црвените гуми, но пред тоа мораше да ги одработи двете казни од пет секунди, по што се врати на патеката на бели гуми и 11-то место.

Веќе два круга подоцна го го престигна Ферарито на Себастијан Ветел во борба за седмото место, а со влегувањето во бокс на останатите возачи пред него се најде на трето место.

На крај, Валтери Ботас ја забележа Победата на трката за Големата Награда на Русија, втора во сезоната, и втора на патеката во Сочи. Макс Ферстапен се искачи на второто скалило на подиумот, додека Луис Хамилтон заврши како трет.

Наредна во 2020 календарот е ГН на Ајфел, која ќе се одржи за две недели на патеката Нирбургринг.

2020 РУСКО ГРАН ПРИ - СОЧИ 53 круга, 304.356км., Време: Сoнчево
ПЛАСМАН:
П.	ВОЗАЧ	ТИМ	ВРЕМЕ
1.	Валтери Ботас	Мерцедес АМГ	1ч34:00.364
2.	Макс Ферстапен	Ред Бул	+ 7.729
3.	Луис Хамилтон	Мерцедес АМГ	+ 22.729
4.	Серџо Перез	Рејсинг Поинт	+ 30.558
5.	Даниел Рикиардо	Рено	+ 52.065
6.	Чарлс Леклер	Ферари	+ 1:02.186
7.	Естебан Окон	Рено	+ 1:08.006
8.	Даниел Квјат	АлфаТаури	+ 1:08.740
9.	Пјер Гасли	АлфаТаури	+ 1:29.767
10.	Алекс Албон	Ред Бул	+ 1:37.860
11.	Антонио Џовинаци	Алфа Ромео	+ 1 круг
12.	Кевин Магнусен	Хас	+ 1 круг
13.	Себастијан Ветел	Ферари	+ 1 круг
14.	Кими Раиконен	Алфа Ромео	+ 1 круг
15.	Ландо Норис	Мекларен	+ 1 круг
16.	Николас Латифи	Вилијамс	+ 1 круг
17.	Роман Грожан	Хас	+ 1 круг
18.	Џорџ Расел	Вилијамс	+ 1 круг
НАЈБРЗ КРУГ: ВАЛТЕРИ БОТАС - 1:37.030
БЕЗ ПЛАСМАН:
19.	Ленс Строл	Рејсинг Поинт	судир
20.	Карлос Саинц Јр.	Мекларен	излетување
ХИБРИДНА ЕРА - СОЧИ 2014 Луис Хамилтон - Мерцедес АМГ - 1ч51:43.021 2015 Луис Хамилтон - Мерцедес АМГ - 1ч37:11.024 2016 Нико Розберг - Мерцедес АМГ - 1ч32:41.997 2017 Валтери Ботас - Мерцедес АМГ - 1ч28:08.743 2018 Луис Хамилтон - Мерцедес АМГ - 1ч35:11.611 2019 Луис Хамилтон - Мерцедес АМГ - 1ч33:38.992 2020 Валтери Ботас - Мерцедес АМГ - 1ч34:00.364 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA

***ГЕНЕРАЛЕН ПЛАСМАН 10/17***
ВОЗАЧИ:
1.	Луис Хамилтон	205
2.	Валтери Ботас	161
3.	Макс Ферстапен	128
4.	Ландо Норис	65
5.	Алекс Албон	64
6.	Даниел Рикиардо	63
7.	Чарлс Леклер	57
8.	Ленс Строл	57
9.	Серџо Перез	56
10.	Пјер Гасли	45
11.	Карлос Саинц Јр.	41
12.	Естебан Окон	36
13.	Себастијан Ветел	17
14.	Даниел Квјат	14
15.	Нико Хулкенберг	6
16.	Кими Раиконен	2
17.	Антонио Џовинаци	2
18.	Кевин Магнусен	1
19.	Николас Латифи	0
20.	Џорџ Расел	0
21.	Роман Грожан	0
КОНСТРУКТОРИ:
1.	Мерцедес АМГ	366
2.	Ред Бул	192
3.	Мекларен	106
4.	Рејсинг Поинт(-15)	104
5.	Рено	99
6.	Ферари	74
7.	АлфаТаури	59
8.	Алфа Ромео	4
9.	Хас	1
10.	Вилијамс	0