МЕРЦЕДЕС АМГ СО ИМПРЕСИВНО ТЕМПО, РЕД БУЛ ВО ПРОБЛЕМИ

Тимот на Мерцедес АМГ, т.е. Валтери Ботас го забележа убедливо најбрзото време на петочните тренинг сесии, забележано ова попладне со помош на црвените гуми на Пирели. Финецот беше за три десетинки побрз од својот тимски колега, Луис Хамилтон, а далеку пред сите останати. Даниел Рикиардо го забележа третото најбрзо време, десетинка пред Карлос Саиц Јр., но во однос на најбрзото време заостануваат повеќе од секунда.

Ова е патека специјализирана за тимот на Мерцедес АМГ, и тука се без пораз откако Сочи се приклучи на Ф1 календарот во 2014 година. Но, не беше се едноставно за нивните возачи, со многу блокирања на тркалата и мали излтувања за двајцата возачи. Но, кога ќе комплетираа круг без поголеми грешки, Црните стрели, изгледа дека за овој тркачки викенд ќе немаат поголема конкуренција.

На дeнешните тренинг сесии во добро светло се прикажа Даниел Рикиардо, па Автралијанецот е возач на кој треба да се внимава. Се чини дека неговата доверба во болидот на Рено расте со секоја измината трка, и оваа патека се чини дека одговара на силните страни на R.S.20. Во Муџело за малку му избега подиумот, па да видиме како ќе продолжи овој викенд.

Второ и трето место на двете тренинг сесии е добар почеток, особено по проблемите на Ред Бул и Рејсинг Поинт. Според прикажаните резултати, ќе има конкуренција во возачите на Мекларен. Саинц, кој заврши во бариерите на претпладневниот тренинг, беше подобар за една десетинка од секундата од својот тимски колега, Ландо Норис на 5-то место.

Серџо Перез со стариот болид на Рејсинг Поинт го имаше шестото место, за разлика од тимскиот колега, Ленс Строл, кој го возеше болидот со најновите ажурирања. Канаѓанецот имаше извртување на почетокот на сесијата, пред да не успее да забележи квалификациски симулациски круг.

Со оглед на тоа што Ферари донесене модифицирано задно крило во Русија, тие изгледаа за нијанса подобри, на патека со голема побарувачка за коњски сили од ПЕ, со Чарлс Леклер и Себастијан Ветел на осмо и десетто место на табелата, но двајцата возачи најверојатно повторно од петни жили ќе се борат за пласман во 10-те најбрзи возачи.

Естебан Окон во вториот болид на Рено финишираше со 9-тото најбрзо време и продолжува да бележи полоши времиња, во однос на неговиот тимски колега, Рикиардо.

Квалификациите за ГН на Русија започнуваат во 14:00 часот со директен пренос на Телевизија 24 Вести, додека саботниот тренинг ќе се одвива од 11:00-12:00 MK.

2020 РУСИЈА ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:33.519		37
2	Луис Хамилтон	Мерцедес АМГ	1:33.786	+ 0.267	33
3	Даниел Рикиардо	Рено	1:34.577	+ 1.058	27
4	Карлос Саинц Јр.	Мекларен	1:34.723	+ 1.204	36
5	Ландо Норис	Мекларен	1:34.847	+ 1.328	33
6	Серџо Перез	Рејсинг Поинт	1:34.890	+ 1.371	35
7	Макс Ферстапен	Ред Бул	1:35.048	+ 1.529	30
8	Чарлс Леклер	Ферари	1:35.052	+ 1.533	35
9	Естебан Окон	Рено	1:35.139	+ 1.620	28
10	Себастијан Ветел	Ферари	1:35.183	+ 1.664	35
11	Пјер Гасли	АлфаТаури	1:35.210	+ 1.691	35
12	Алекс Албон	Ред Бул	1:35.242	+ 1.723	31
13	Даниел Квјат	АлфаТаури	1:35.461	+ 1.942	37
14	Кими Раиконен	Алфа Ромео	1:35.516	+ 1.997	33
15	Николас Латифи	Вилијамс	1:35.563	+ 2.044	31
16	Џорџ Расел	Вилијамс	1:35.575	+ 2.056	30
17	Ленс Строл	Рејсинг Поинт	1:35.627	+ 2.108	34
18	Кевин Магнусен	Хас	1:35.729	+ 2.210	32
19	Антонио Џовинаци	Алфа Ромео	1:36.053	+ 2.534	36
20	Роман Грожан	Хас	1:36.858	+ 3.339	32
ХИБРИДНА ЕРА - СОЧИ 2014 Луис Хамилтон - Мерцедес АМГ - 1:39.630 2015 Фелипе Маса - Вилијамс - 2:00.458 2016 Луис Хамилтон - Мерцедес АМГ - 1:37.583 2017 Себастијан Ветел - Ферари - 1:34.120 2018 Луис Хамилтон - Мерцедес АМГ - 1:33.385 2019 Макс Ферстапен - Ред Бул - 1:33.162 2020 Валтери Ботас - Мерцедес АМГ - 1:34.577
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA