НИШТО НОВО НИ ВО БАХРЕИН

Луис Хамилтон имаше убедлив настап на петочните тренинг сесии, забележувајќи го најбрзото време на денот со помош на црвените гуми на Пирели, три десетинки пред Макс Верстапаен на второто и Валтери Ботас на третото место на табелата.

Втората тренинг сесија е најкорисна во Бахреин, совпаѓајќи се со квалификациите и трката, но ако на крајот на март, кога традиционално се одржуваше оваа трка, таа започнуваше во самракот и завршуваше по зајдисонцето, денес кон крајот на ноември до почетокот на сесијата, сонцето веќе зајде. Сепак, температурата беше скоро иста како и минатата пролет.

Како и на претпладневната сесија, возачите ги тестираа гумите за следната 2021 сезона, а многумина од нив се пожалија на недостаток на грип и наскоро се префрлија на гумите за оваа година, проценувајќи ги абењето и перформансите на долги и кратки стинтови.

Во 46-та минута сесијата беше прекината, Алекс Албон сериозно го оштети својот болид, завршувајќи во заштитните бариери покрај патеката во последната кривина. Тајланѓанецот се извини на тимот, сам излезе од кокпитот, но беше испратен превентивен медицински преглед, поради активирањето на Г сензорот. До крајот од сесијата, тој веќе се врати во својата гаража.

Црвените знамиња за отстранување на неговиот болид и санирање на бариерата траеа 12-тина минути, но неколку секунди откако беше дадено зелено светло, сесијата повторно беше стопирана, откако на патеката се најде куче. Воедно тоа беше и најинтересното нешто во сесијата, кога Себастијан Ветел ги покажа своите вокални способности.

2020 БАХРЕИН ГП - ВТОР СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:28.971		28
2	Макс Верстапен	Ред Бул	1:29.318	+ 0.347	34
3	Валтери Ботас	Мерцедес АМГ	1:29.336	+ 0.365	30
4	Серџо Перез	Рејсинг Поинт	1:29.403	+ 0.432	32
5	Даниел Рикиардо	Рено	1:29.462	+ 0.491	27
6	Пјер Гасли	АлфаТаури	1:29.551	+ 0.580	36
7	Ландо Норис	Мекларен	1:29.841	+ 0.870	30
8	Ленс Строл	Рејсинг Поинт	1:29.871	+ 0.900	32
9	Даниел Квјат	АлфаТаури	1:29.900	+ 0.929	34
10	Алекс Албон	Ред Бул	1:30.014	+ 1.043	17
11	Естебан Окон	Рено	1:30.085	+ 1.114	30
12	Себастијан Ветел	Ферари	1:30.110	+ 1.139	35
13	Карлос Саинц Јр.	Мекларен	1:30.271	+ 1.300	33
14	Чарлс Леклер	Ферари	1:30.407	+ 1.436	30
15	Антонио Џовинаци	Алфа Ромео	1:30.627	+ 1.656	33
16	Кевин Магнусен	Хас	1:30.849	+ 1.878	27
17	Кими Раиконен	Алфа Ромео	1:30.928	+ 1.957	34
18	Николас Латифи	Вилијамс	1:30.973	+ 2.002	32
19	Роман Грожан	Хас	1:31.119	+ 2.148	28
20	Џорџ Расел	Вилијамс	1:31.636	+ 2.665	29
ИСТОРИЈА - ХИБРИДНА ЕРА - БАХРЕИН 2014 Луис Хамилтон - Мерцедес АМГ - 1:34.325 2015 Нико Розберг - Мерцедес АМГ - 1:34.647 2016 Нико Розберг - Мерцедес АМГ - 1:31.001 2017 Себастијан Ветел - Ферари - 1:31.310 2018 Кими Раиконен - Ферари - 1:29.817 2019 Себастијан Ветел - Ферари - 1:28.846 2020 Луис Хамилтон - Мерцедес АМГ - 1:28.971
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA