АЛ РАЏИ ПОБЕДНИК НА 7-ТА ЕТАПА, ПЕТЕРХАНСЕЛ ГО ЗГОЛЕМИ ВОДСТВОТО

Стефан Петeрхансел беше во водство во поголемиот дел од 7-та етапа од Дакар релито, но околу 40 км пред целта неговиот Мини имаше дефект на амортизацијата, што можеше да го чини многу, но тој сепак успеа не само да стигне до целта но и да го заземе 2-то место.

Во меѓувреме, Карлос Саинц финишираше како трет, губејќи само една минута од својот тимски колега, но во исто време беше и пред Насер Ал-Атија, кој заврши една и пол минута подоцна.

Победата и припадна на Тојота, автомобил управуван од меѓународниот екипаж на чело со Саудиецот Јазид Ал-Раџи, чиј навигаторот е Германецот, Дирк фон Зицевиц. Но, Петерхансел продолжува да води во генаралниот пласман, без нити една етапна победа до овој момент.

Проблемите со навигацијата се ноќна мора за екипажот на Карлос Саинц. Во првиот дел од етапата тие се држеа во близина на Петерхансел, но потоа мораше да забават поради дупната гума. Покрај тоа, извесно време, екипажот на минатогодишниот победник на Дакар релито, изгуби поради грешки во навигацијата.

Сепак, Ел Матадор успеа да финишира пред Ал-Атија, но разликата е огромна. Катарецот беше претпазлив, но, исто така и неговиот автомобил имаше дупната гума.

Победникот на воведната етапа, Рики Брабек, беше најбрз и на денешната етапа, победувајќи ги Хозе Игнацио Корнехо и Скајлер Хаус со повеќе од две минути. Сем Сандерленд се најде на четвртото место, со нешто помалку од три минути задоцнување.

Чилеанецот, Корнехо, е лидер во генералниот пласман, со една секинда предност пред Тоби Прајс, претставникот на фабричкиот тим КТМ.

Во класата на квадови, првото место го освои Аргентинецот, Мануел Андухар, кој вози Јамаха 700. Тој е исто така лидер во оваа категорија.

Рускиот тим, КАМАЗ-МАСТЕР доминира во класата на камиони. Етапен победник е екипажот на Димитриј Сотников, тој на Ајрат Мардеев задоцни за помалку од три и пол минути, додека камионот на Антон Шибалов ја мина целта пет минути подоцна. Четвртото место му припадна на белоруското трио од МАЗ-СПОРТАУТО, предводено од Алексеј Вишневски, пред КАМАЗ-от на Андреј Каргинов.

Во генералниот пласман, екипажот на Сотников продолжува да води во оваа категорија, а неговата предност веќе порасна на скоро 46 минути, што може да се смета за одлична основа за победа во класата на камиони.

2021 ДАКАР РЕЛИ ГЕНЕРАЛЕН ПЛАСМАН
П.	РБ	ВОЗАЧ	ТИМ	ВРЕМЕ	РАЗЛИКА
АВТОМОБИЛИ
1	302	STÉPHANE PETERHANSEL EDOUARD BOULANGER	X-RAID MINI JCW TEAM	26:36.50
2	301	NASSER AL-ATTIYAH MATTHIEU BAUMEL	TOYOTA GAZOO RACING		+ 00:07.53
3	300	CARLOS SAINZ LUCAS CRUZ	X-RAID MINI JCW TEAM		+ 00:41.06
4	307	JAKUB PRZYGONSKI TIMO GOTTSCHALK	ORLEN TEAM/OVERDRIVE		+ 01:22.48
5	311	NANI ROMA ALEXANDRE WINOCQ	BAHRAIN RAID XTREME		+ 01:59.00
МОТОРЦИКЛИ
1	4	JOSE IGNACIO FLORIMO	MONSTER ENERGY HONDA TEAM 2021	28:51.31
2	3	TOBY PRICE	RED BULL KTM FACTORY TEAM		+ 00:00.01
3	5	SAM SUNDERLAND	RED BULL KTM FACTORY TEAM		+ 00:02.11
4	12	XAVIER DE SOULTRAIT	HT RALLY RAID HUSQVARNA RACING		+ 00:02.34
5	47	KEVIN BENAVIDES	MONSTER ENERGY HONDA TEAM 2021		+ 00:07.29
КАМИОНИ
1	507	DMITRY SOTNIKOV RUSLAN AKHMADEEV ILGIZ AKHMETZIANOV	KAMAZ-MASTER	29:12.10
2	501	ANTON SHIBALOV DMITRII NIKITIN IVAN TATARINOV	KAMAZ-MASTER		+ 00:45.56
3	509	AIRAT MARDEEV DMITRIY SVISTUNOV AKHMET GALIAUTDINOV	KAMAZ-MASTER		+ 01:05.06
4	504	ALES LOPRAIS PETR POKORA KHALID ALKENDI	INSTAFOREX LOPRAIS PRAGA		+ 01:21.47
5	505	ALIAKSEI VISHNEUSKI MAKSIM NOVIKAU SIARHEI SACHUK	MAZ-SPORTAUTO		+ 01:46.30
КВАДОВИ
1	154	MANUEL ANDUJAR	7240 TEAM	35:46.53
2	152	ALEXANDRE GIROUD	TEAM GIROUD		+ 00:20.55
3	159	GIOVANNI ENRICO	ENRICO RACING TEAM		+ 00:25.55
4	168	ITALO PEDEMONTE	ENRICO RACING TEAM		+ 02:08.28
5	163	PABLO COPETTI	MX DEVESA BY BERTA		+ 02:12.24
ПОБЕДНИЦИ ПО ЕТАПИ АВТОМОБИЛИ 0 NASSER AL-ATTIYAH - TOYOTA GAZOO RACING 1 CARLOS SAINZ - X-RAID MINI JCW TEAM 2 NASSER AL-ATTIYAH - TOYOTA GAZOO RACING 3 NASSER AL-ATTIYAH - TOYOTA GAZOO RACING 4 NASSER AL-ATTIYAH - TOYOTA GAZOO RACING 5 GINIEL DE VILLIERS - TOYOTA GAZOO RACING 6 CARLOS SAINZ - X-RAID MINI JCW TEAM 7 YAZEED AL RAJHI - OVERDRIVE TOYOTA
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA